هذا السعيدي جعل ربي يسعده = يشوفني لكن مارد السلام
يوم يجيبه لي ويومٍ يبعده = شكله تكبر بعد ماحط الوسام

انا عميلي يوم اجيله وانشده = ياصقر ماجبت الجديد من العلام !!
لكن ستر الذيب داخل مرقده = والذبح فالميت سمعت انّه حرام !!

بادي المراقيب

شرفني مرورك يالعالي

لاهنت

ياصقر اهل شقصان قدمك مصيده = اصحى يغرّك ياصقر ريش الحمام !!
قام الجعيد يحك رجليه ابيده = يسري على خط الجنوب ولا ينام !!

احرص من التعشيق فوق المقعدة = وان طعتني خلّك حذر وسط الزّحام !!
تقعد طريق القوم هاذي منقده = تسرق ذلول الرّجل والسّرقة حرام !!

ياللي زرعت الثّوم ثومك واحصده = لو كان ثومك ريحته ماهي تمام !!
يازين شكلك وانت فوق المنضده = لو كان نهديك القلادة والزمام !!

بعد أعترض سمحان والله للهده = ويذوقها تحت اللحم فوق العظام
ويازين شكلك وأنت معك المزوده = وهديتك ترجع على مثلك شمام

جرحك تحت علباك بالله تكمده = واللي جرحك ابليس ملعون الرّسام !!
حتى الامام اللي دخل في مسجده = تاخذ علومه من ورى باب السلام !!

فواز السعيدي

بيض الله وجهك تشرفت بالعب معك والمعذرة على القصور طال عمرك

وتصبحون على خير

تحيتي