الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   الليله الليله الميدان واطلق شنب!! من له خاطر يخاطر (http://www.otaibah.net/m/showthread.php?t=87123)

زياد المزرمي 03-Mar-2009 09:29 PM
الليله الليله الميدان واطلق شنب!! من له خاطر يخاطر
 
الليله الليله الميدان واطلق شنب = يقرب من النار ونحطه معاها حطب
ونهاية المعركه واحد مابين الثنين = يا اما نتفت شنبه ولا فتلت شنبي
تاجر ولي داخل الميدان قسمٍ ثمين = ادخل وانا ضامنٍ بين العرب مكسبي

قادح شرار 03-Mar-2009 09:41 PM
طيب طيب يا أحمر العينين ...

صح لسانك ومبداك رائع ...

وبأنتظار المخاطر اللي بيجي ... وصح لسانه مقدما ً ...

وتقبلوا مروري ...

زياد المزرمي 03-Mar-2009 09:46 PM
قادح شرار


صح بدنك يالذيب


ومشكور على الاطراء الجميل


وما علاك زود ونحن في الانتظار

ابو تركي 03-Mar-2009 09:55 PM
اللي يهاجم هل الطاله نقول يعقب=وان جاء زياد الشطيطي نحذفه فاللهب
المعركه ماتهقواها قصير اليدين=وحنا لها لو يقوم ابليس قلنا يهبي
اهل الوفاء ماتسوي فعلة الخاينين= والفينكم طاح من بين السيوف يحبي

عيد العازمي 03-Mar-2009 09:56 PM
الله الله

يابو تركي صح لسانك

والمجال لك يامبدع


وصح لسانك يازياد



على القوه وبدايات روعه تبئ بطاروق ابداعي

محمدسالم الثبيتي 03-Mar-2009 10:03 PM
زياد شكرا لك بدعه قويه وطاروق اقوى
وحضر من هوكفو الردود


تركي
العازمي
ونعم فيكم وردودكم وبيض الله وجيهكم

زياد المزرمي 03-Mar-2009 10:13 PM
الليا وصلتك ما هو نافعك قولٍ تقول = نحذفك وسط اللهب صاحي ولا انت مهبول
ماعاد فيها يسار الدرب ولا يمين = من بين حجانك الثنتين جاء مضربي
الذيب اكل من حلالك ياصبي نعجتين = فتش حلالك وتعرف وش غدى ياصبي

حاكم الغنامي 03-Mar-2009 10:15 PM
ابك ابك


واله مادريت يابو تركي



علي الحرام ماشفت بدعتك



اعذرني


واستمروووا


وحنا متابعين

زياد المزرمي 03-Mar-2009 10:18 PM
ابو تركي

والعازمي

وحاكم الغنامي


بيض الله وجيهكم عز الله ان اردودكم جزله

وثلجت صدري انا مبطي عن المنتدى وقلت ابجيب طاروق حماسي

مشكوورين

حاكم الغنامي 03-Mar-2009 10:18 PM
زياد الشطيطي × ابو تركي

صحت السنتكم ومتابعين للغالين



وااااااااااصلوا

حاكم الغنامي 03-Mar-2009 10:19 PM
اقتباس:
المشاركة الأصلية كتبت بواسطة زياد الشطيطي (المشاركة 818004)
ابو تركي

والعازمي

وحاكم الغنامي


بيض الله وجيهكم عز الله ان اردودكم جزله

وثلجت صدري انا مبطي عن المنتدى وقلت ابجيب طاروق حماسي

مشكوورين

تستااااااااااااااهل الطيب يازياد


والله يحييييكـ

زياد المزرمي 03-Mar-2009 10:22 PM
محمد سالم الثبيتي

صح بدنك يالذيب

ومنوورنا بتواجدك الرائع


تقبل جل احترامي

سهم الليل 03-Mar-2009 10:25 PM
ابو تركي
زياد الشطيطي
صحة السنتكم
متابعين

زياد المزرمي 03-Mar-2009 10:27 PM
حاكم الغنامي

ما علاك زود يالقرم

وانا في محلي




سهم الليل

صح بدنك يالغالي

ومنورنا بتواجدك

تقبل جل احترامي

ابو تركي 03-Mar-2009 10:28 PM
الزم حدودك حذاري لاتلف وتدور=يامستجيرين فالصمان بعض القبور
والله مافي يدك شلفى وسيفن سنين=تراك شاوي لامرسولن ولا انته نبي
تعرف نعاجك وتعرف شغلة اباالحصين=وان كان مرتك هاذي والله انك غبي

ابو تركي 03-Mar-2009 10:32 PM
صح لسانك وصح بدنك


ياحاكم الغنامي


وانت مدير الجميع


ولاهنت على كل حال

زياد المزرمي 03-Mar-2009 10:42 PM
انته على دارنا الصمان ميّت غبن = ودك بها مار ردك عن هواها الجبن
ان عشت ولا بغيت تموت ما اخلصت دين = من عيشتك ياعتيبي ما اعرف وشتبي
اللي يهمّل حلاله بين حينٍ وحين = لا يلوم سحم الذيابه كان جت لضبي

ابو تركي 03-Mar-2009 10:57 PM
دارك طردناك عنها وانت عينك تشوف=وقبر الصييفي عليه امطير دايم تطوف
والله ماتحتمل طلقه من المارتين=خساره اتعب ولانت اليوم قد اتعبي
رح للرفيعه وتلقى مقبر الميتين=في منصبك يامطيري ماتجي منصبي

زياد المزرمي 03-Mar-2009 11:13 PM
والله ما انته بطاردنا وحيلك ضعيف = حيلتك تسرق ضيوف الله عند العطيف
والفعل مثبوت فالتاريخ عبر السنين = ان رحت فالشرق ولا رحت للمغربي
وان جيت يم الرفيعه شيخ دنيا ودين = شالك وحطاك يا ابن الناس تحت ركبي

ابو تركي 03-Mar-2009 11:27 PM
يازياد ضايع ولا انت بلاقي الك دليل=حرام معاد عندك لاكثير وقليل
وانا اخذ الجادل اللي وسط حصنن حصين= مافكها من يديني عبدلي واعربي
وانته تجر النذاله يابليس اللعين=بين العرب ثم تصبح مثل قش صلبي

زياد المزرمي 03-Mar-2009 11:48 PM
اتقولها بعد ذقت السم يا ابن الحلال = ناصحك قلتلك خلك تحت برد الضلال
غوّاك من غوّى شايد فالزمان الحزين = يوم ان نوره نخت فمطير وانت اقربي
من لاتنيذل يوم ان الترك لك واردين = يرجع على امه وينشد وين ابلقى ابي

سهم الليل 03-Mar-2009 11:58 PM
ياولله الحرب
صح لسان ابو تركي
وصح لسانك يازياد انا في صفك

زياد المزرمي 04-Mar-2009 12:02 AM
سهم الليل

هههههههههه

صح بنك يالذيب

والصف يزهابك

لاهنت يا بعدي

ابو تركي 04-Mar-2009 12:05 AM
انا ابن ابويه وادقك مثل دق الحبوب=والا انت خوان في عرجا تركت الحروب
ناصر غصب واحد امن امطير يابن الذين=والدحمليه كشفنا سترها والعبي
ياشارب البير تارك صاحبه كل حين= لك مشربك كدر وابعد لا تجي مشربي

زياد المزرمي 04-Mar-2009 12:22 AM
ان عودت للخيانه قسمكم من زمان = غدرت في بيت رب الناس فاطهر مكان
تكذب ولا تستحي من كذبتك لو تبين = لك مذهبٍ مختلف ماهو كما مذهبي
الشيخ تركي وهندي وينهم يا فطين = خليتهم بين ناب الذيب والمخلبي



لاهنت يا ابو تركي

والدعوى لعب والصدور وساع

وتصبح على الخير

ابو تركي 04-Mar-2009 12:48 AM
سقناك سوق الركايب من ضواحي نعام=وتسعة حمادين صيد لبندقي والحزام
وذبحة تراحيب والدوشان قبله ثنين=حتى ابن جبرين ذكيته قبل يهربي
والشيخ تركي حشركم يوم جيتوا قطين=وشيخك بواد الرشا يذبح كماالارنبي

ابو تركي 04-Mar-2009 12:49 AM
صح بدنك وانت من هله

ابو فايح 04-Mar-2009 03:37 AM
الله الله الله

كيف فاتني الطاروق هذا

ابداع صحت السنتكم بديتوا بأحداث 2009 ورجعتوا لعام ابو ترمس

فايز بن سرحان الثبيتي 04-Mar-2009 12:21 PM
ماهو لعب
الا بالله اطلاق نار وييييييييييييييييييين
ماقول الا لله دركم



ابو تركي \ زياد الشطيطي



سطرتوا لن شيئ من التاريخ
والكثير من الاحداث


الموثوقة \ والغير موثوقة




الوكاد انكم ابدعتوا
وهنا اسجل اعجابي بصلابة البدع والرد
واتحفظ على المعنى المستخدم والاسماء الواردة فيه

%الصامل% 04-Mar-2009 12:49 PM
صح لسان الشاعرين وبيض الله وجيههم مع أن معانيهما مكشوفه بالحيل


بالحيل

تحياتي


الساعة الآن »05:23 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd