لاوهني الي رصيده ملايين= ما شال هم الدين صاف (ن) مزاجه
ولا قفل الجوال خوف الديايين= تزهم تقول الدين نبغى خراجه
احدن يقول بلطف نطلبكم الدين=واحدن يقول اعجل ولاون حجاجه
طلاب حق ومن يقول اله بعدين= وقت الشقى ياناس ثور عجاجه
غلا معيشه ياعرب مع ديايين= ( والراجحي لراتب احكم سياجه)
نص (ن)خذاه ونص قسم الوراعين=غير الحوايج كم حاجه وحاجه
ورع يبي جوال خمسه وتسعين=وموتر جديد مسفط (ن)في كراجه
واخر يبى يلبس على موضة الفين=لبس الحضاره ياعرب والسذاجه
غير المره والبنت تبغى فساتين=واحلى عطور الغرب باحلى زجاجه
وسواق بالراتب ويدعى بساجين= والخادمه فالبيت تدعى سولاجه
من شافنا قال الله الله ثريين= وحنا على الحفه وفقر بصاجه
نقلد الموضه وحنا فقيرين= اكبر مصيبه فعلنا به سماجه
الغرب يجرحنا بليا سكاكين=والجرح مايبرى بليا علاجه
وافضل علاجه ندعم الصف صفين=بوجه الزمان الي تكاثر رجاجه
والعولمه تشبه كما بير عدين= عد(ن) قراح الماء وعد(ن) هماجه
والله خلقنا خير امه بصيرين= ودرب الردى بين يدلك عواجه
والزين بين ما يحاليله الشين= والحر ما يقلد لمشي الدجاجه
وشبابنا نعطيه توجيهنا زين=لدرب الصواب الى منور سراجه
ونذكره بحقوقنا في فلسطين=وان اليهودي خاينن ما يواجه
والنصر للمسلم ولوه بعد حين=مكتوب بالمصحف وعند ابن ماجه
وان قاله الله واتفقنا على الدين= والله لنحشرهم بعنق الزجاجه
والختم صلو عد نبت البساتين= وعد القلم لا قام يسكب لزاجه

المشاركة الأصلية كتبت بواسطة مرزوق حمدان العتيبي (المشاركة 815710) وان قاله الله واتفقنا على الدين والله لنحشرهم بعنق الزجاجه والختم صلو عد نبت البساتين وعد القلم لا قام يسكب لزاجه . . جزله ومعبره ياسلطان صح لسانكـ

المشاركة الأصلية كتبت بواسطة أبو مرحبا (المشاركة 815742) ورع يبي جوال خمسه وتسعين**وموتر جديد مسفط (ن)في كراجه واخر يبى يلبس على موضة الفين**لبس الحضاره ياعرب والسذاجه غير المره والبنت تبغى فساتين**واحلى عطور الغرب باحلى زجاجه وسواق بالراتب ويدعى بساجين**والخادمه فالبيت تدعى سولاجه قصيده فالصميم ياسلطان المفرجي صح السانك واعتلى شانك تقبل مروري

المشاركة الأصلية كتبت بواسطة ابن صنهوت (المشاركة 815980) من شافنا قال الله الله ثريين .. وحنا على الحفه وفقر بصاجه نقلد الموضه وحنا فقيرين .. اكبر مصيبه فعلنا به سماجه صح السانك ياسلطان لاهنت يالذيب

المشاركة الأصلية كتبت بواسطة ابو فايح (المشاركة 816117) وان قاله الله واتفقنا على الدين **والله لنحشرهم بعنق الزجاجه صدقت وصح لسانك على هذه الرائعه

المشاركة الأصلية كتبت بواسطة ملازم الطاعه (المشاركة 816679) ورع يبي جوال خمسه وتسعين**وموتر جديد مسفط (ن)في كراجه واخر يبى يلبس على موضة الفين**لبس الحضاره ياعرب والسذاجه غير المره والبنت تبغى فساتين**واحلى عطور الغرب باحلى زجاجه وسواق بالراتب ويدعى بساجين**والخادمه فالبيت تدعى سولاجه صح لسانك ياسلطان المفرجي قصيدة جزله ومعبره عن هذا العصر المسمى بعصر العولمه كفانا الله شره

المشاركة الأصلية كتبت بواسطة أبو مصلح 511 (المشاركة 816814) مشكور يعطيك الف عافيه وصح لسانك

المشاركة الأصلية كتبت بواسطة محمد ابن رووق (المشاركة 818608) رووووووووووعه لاهنت

المشاركة الأصلية كتبت بواسطة برااااق (المشاركة 820036) صح لسانك ياسلطان على شرح حالنا اليوم بكل بساطه

لاواهني الي فلوسه ريالين = يمشي على دينه ولافيه حاجه
ان قلبك هواين بالمـلاييــن !! = ياخوك قلبك منفرج بانفـراجــه
تحمد الله واذكر الله بالين = تحمـد الله .. خـل عنك السمــاجه
مثواك بالجنه ولو يكثر الدين = اما الغني فانار مثل الدجـاجه

المشاركة الأصلية كتبت بواسطة الشاقي1 (المشاركة 831416) صح لسانك يا سلطان المفرجي على الابيات بشرح حالنا بكل بساطه لاهنت تقبل مروري