مرحبا ياهلا من طاير الاشجان = مرحبا بالجميع فمنتدى عتيبه
مانبا غير رجل ٍ ٍ يفتل الذرعان = يذبح الذيب ولا الذيب يسريبه

البقا يا مرحب في محل شجعان=ربعي عتيبه هل العز الهيبه
ابشر اني رجل وافي طليق السان=و اذبح الذيب في عالي مراقيبه

التراحيب ما تقرن مع الاحزان= انتبه للكلام اللي تجينيبه
ثم جر العوى يا ذيب يا سرحان= وصدم الضلع وسند روس اشاعيبه

البساط احمدي ياشاعر العتبان = جيت والي معك ياصاحبي جيبه
ماعلاكم قصور في ساحة الميدان = كل ذيب ٍ يجاوب لا قنب ذيبه

ما نبا اللعب راكد يا ولد يا فلان=و كل علم(ن) جزيل لزوم تاتي به
ما علينا قصور اكيد يا كحيلان =و هات علم(ن) نبا نلعب و نحكي به

يالكويتي بعد مادرات الازمان = صار وسم الجمل فاسفل عراقيبه
مايطيح الثمر لو نخبط الاغصان = جفت الارض مامن خير نحريبه

بعد ما دارت الازمان يا ذيبان=الوسم فالمحل ما عنه تجنيبه
الثمر واجد بكثره ترى بفصلان=الشتا و الربيع اظن تدري به

ياصقور ٍ تحوم وحولها غربان = كل صقر ٍ نعرفه من مخاليبه
من سكنٌ في حوٌلي مامدح خيطان = ثوب ماهو بثوبك لاتماريبه