ياسلام الله على اعضاء المنتدى من كل ديره=عد نسناس الهبوب و عد همال الخيالي
ابن سرحان الثبيتي لو ذكر نجم الجزيره=كان فكر فالغروب و كان فكر فالزوالي

مرحبا بك يامسلم جعلها خير وخيره = مرحبا في حلة الهيلا كريمين السبالي
ياطويل العمر ماعز السلاح الا الذخيره = وانت يشهدلك كبير القوم ابو زيد الهلالي

مرور وتواجد رائع يابو حمدان

عسانا مانعدمك

انتبه للسالفه كانك على عرف و بصيره=لا تخليها يا بن سرحان تعطي فج خالي
ياطويل العمر ماقاد الجيوش الا المغيرة =والشهاده من كبير القوم تكفيني لحالي

لا اندرق نجم الثريا في حساب ابن عميره = الجدي و اسهيل غطا نورها روس الجبالي
الا انا بنشدك ياللي حبتلك دعوه خطيره = وش بقالك من نجوم ٍ فالجنوب وفالشمالي

احمد الله واشكره ماضاع لي حبة شعيرة=اشتري وابيع بالدولار و احفظ راس مالي
قبل ما اوريك في كبد السماء انجوم الظهيره=الكواكب في المجرة عانها و احفظ مقالي

الحقيقة ماعرفنالك ديار ولا عشيرة = عندنا مجهول لو انك من اصحاب المعالي
مار لن طاوعتني لا تلمس اسلوك الضفيرة = لجل ما نرخي علاك الموس وامعزبك غالي

وابك انا سيفن شطير و ربعي اسيوفن شطيره=
وانت من لحمي و دمي و الخطا ماله مجالي=
لا تطولها ترى الدعوى من الليله قصيره=
مانبي نحنذك و انته بين عم و بين خالي=