يادافـع الشعـر لاتنسـاق مـن دونـي=مادمـت فـي ذمتـي سـج القـدم فيـه
خلـك علـى نيتـك وظنونـك ظنونـي=وانـا ماغيـر عليـك الظـن والنـيـه
البارحـه مـرت الاحــلام بعيـونـي=احلام سـوداء ماهـي باحـلام ورديـه
امسيت اصوت لها واصبحـت مغبونـي=تفسيرهـا بـيـن هـاذيـه و هـاذيـه
لو تستحي دمعتي من ضحكـه سنونـي=ماكـان حطـت بنـون العيـن ماريـه
اللـي تناسيتوهـم والـلـي تناسـونـي=بالخيـر مذكـوره وبالخـيـر منسـيـه
والحب لاهز صـدري حـرك شجونـي=حطبت حـدب الضلـوع ونارهـا حيـه
اكثر جروحـي سببهـا اللـي يحبونـي=جـرح الحبايـب عطيـب وكيتـه كيـه
تبكي على راسي وتضحك على متونـي=ونفضت خرجي وطـاح الـداب والحيـه
وين انت ياللي عليـك اكوسـر لحونـي=وهيجنت باسمك وشلـت اغلـى هجينيـه
يوم انت حدسي و رسمي واصدق ضنوني=من لامنـي فـي غرامـك لعنبـو حيـه
ياسيـد الحـب معـك الحـب مامونـي=وانـا علـى جرتـك عينـي شقـاويـه
مجبور لاشفتنـي ماشـي علـى هونـي=حاولت وازريـت لاكسـر قيـد رجليـه

سداح بيّحت خافي كل مكنوني=اثر جروح المهاوي باقيه نيه
حرّك قصيدك جروحي واظهر اطعوني = اللي عن الناس مكتومه وسريه
وانساق هاجوس شعري معك ممنوني =وانتج قصيده على ماقيل رديه
فيها من الوجد والتنهات مليوني= على وليفٍ عديم الوصف موليه
اقفى وسر الغلا بالقلب مصيوني = مصيون ماطاح بـــِيدين الهواويه
خلّيت ذكرى السنين العوج ماعوني = تشيل قصة غرامي روحه وجيه
واليوم وقّفتها واظهرت مخزوني = لو المعاناه ميتينه على ميه
عليه ثوب السعاده جزم مخبوني = اسلوك يوم الوصل بالحزن ملويه
شدّيت حبل الرجا والحبل مقروني = واقرع رشايه بعد ماعقّب الطيه
واليا سحبت الرشا ياناس ,,مالوني = الدلو بالصد والهجران ممليه
والبعد نار ورضيته مار خلّوني = طاريه لازال لو يموت طاريه
يحرقني الصمت بين الطرف والنوني = ويقتلني البوح بعيون السنافيه
لاواعذابي ,ومشكايه وياعوني= بالضبط عشر سنوات الهجر هجريه

صح لسانك ولسان سداح

المشاركة الأصلية كتبت بواسطة عبدالله الجـــذع (المشاركة 810279) ابو طلال ابا والله ارد مع اول الريجيل ثم اقراء الابداع على راحتي هذا مغزاي ياعملاق صح لسانك ومجاراه رائعه لابعد الحدود محبك .,

يحرقني الصمت بين الطرف والنوني
ويقتلني البـوح بعيـون السنافيـه




ياسلام ياسلام

صح ألساااااااانك يابوطلال

وصح ألسااااااااان سداح من عام الأول .


تحيآتي