انا نويت ابن سرحان بالعرف والعز والطيب=شاعر وحامل وسامي واللعب معه استفاده
باخذ معك ياكحيلان سجه لعال المراقيب=والنور يجلى الظلامي وشعيل فوقه شداده

سوق القدم كان طربان عان الحبل فالمناسيب = عساك ناقل سلامي لاهل السمو والرياده
لاصار للعرف عنوان يكتب بروس المكاتيب = لكن مع احترامي هرجك علاه النقاده

لاصار للطير جنحان ستل وحام اللواعيب=لكن صوم الصيامي ثم خل وقتك عباده
طمعان فالرجل طمعان خابره راعي مواجيب=واثره نقاد سامي ينقد ويركب جواده

ابو مناسيب طفران ماعنده اريال فالجيب = جرحه من العام دامي !! ليته قعد في بلاده
قد جابك الله على شان !! تلقى خشوم المشاعيب = اثرك واحد حرامي !! سرقت نص القلاده

العلم يحتاج برهان ماينفعن الاكاذيب=منت برشيد الزلامي تحكم وتعطي إفاده
غلطان ياهوه غلطان ماهي حواليك يالذيب=لي قيمتي واحترامي رجال يقدح زناده

البيت من غير بيبان !! مافيه غار المعازيب = لو عودت للنظامي!! ماعطيك رخصة قياده
بندقك من غار نيشان !! زمت وفيها عذاريب =وان كان توحي كلامي !! اثر الخطاء فيك عاده

هنا نعرفك بليهان لكن قريب محاضيب=وبرا فقدت المسامي ولااحدن عطاك الشهاده
موجود في كل ميدان والراس مابان به شيب=ضيعتها فالعسامي مافيك عزم وجلاده