سلام تسليم الوفا والطيبي في حلة عتيبه رجال الهيبه=من هاجس يبدع من القيفاني واحد من الشعار يطلع برا
ضلع السراه ايحوم فوقه ذيبي يبغى الذيابه بالقنيب اتجيبه=يبا يصيد الطيبه سرحاني واحد من الشعار يطلع برا

إن كان يكفي يا ولد ترحيبي , ياطيب خشمك عندنا يا طيبه = والعلم الأول ماش علم ٍ ثاني , واحد من الشعّار يطلع برّا
كيف الذياب إتحوم ؟ جاك الشيبي , الليل في مبداه لا تسريبه = ماتكسب اللولو ولا المرجاني , لإنك أكيد اليوم تطلع برا

دام البقا من دون شك وريبي العلم دوكه دون شك وريبه=اسرج حصانك يوم معك حصاني واحد من الشعار يطلع برا
ان حام ولاحاف بالترتيبي ماتفرق المعنى وعلمك سيبه=هذا هو الميدان ياحميداني اما توقع زين ولا برا

إلي يقول الناس ما تدريبي , أمسى وكل إلي جهل يدري به = حلال فيه اللطف والإحساني , قدّام لا يطلع يا شاعر برا
لهجاتنا ما تقبل التجريبي , و خيّبـت شعّار الملاعب خيبه ؟ = وخالفت نهج ربوعنا البدواني , وقالوا لك البدوان يالله برا

انا احمد الله ماقربت العيبي وارد على عد الروى وارهي به=جمع بدربك خوخٍ ورماني يمكن يفيدك قبل تطلع برا
ماأنت بعلى حقٍ ولاانت مصيبي والسوق لو بعت ابه ماتشريبه=انت طعنتي خلك مع الحضراني لانك مطابق مير فارق برا

انا احمد الله ماقربت العيبي وارد على عد الروى وارهي به=جمع بدربك خوخٍ ورماني يمكن يفيدك قبل تطلع برا
ماأنت بعلى حقٍ ولاانت مصيبي والسوق لو بعت ابه ماتشريبه=انت طعنتي خلك مع الحضراني لانك مطابق مير فارق برا

الله يعرف إلي مضى والغيبي , والتمر موجود ٍ في وسط العيبه = إن كان يرضيك الخبر يا فلاني , ولاّ ترى أحسن لك توكّل برا
يا مقلب اللهجات تصلح ليبي , والليبي الليله أنا وش لي به = ليبي دخل في مجلس العتباني , وعتيبه الهيلا ما تطرد برا

مسكت لك كلمه بوسط الويبي وغيرت محراف نبا نمشي به=واللي سواتك كنه الورعاني غيرت معنانا وفارق برا
انته عليك الوسم وسم عتيبي والفعل ماهو من فعول عتيبه=الظاهر انك جاي من جيزاني بالله تفهمها وفارق برا

أنا هجوس الشعر لو تسريبي , مرّت على مكه وزارت طيبه = وأنثر عليها المسك والريحاني , وإلي ما يعرفها يفارق برا
هذا فقط أسلوب .. وأساليبي , ماهيب عاريّه ولا تركيبه = أوزن كلامك قبل لا تلقاني , وأنتـه أكيـد إلي بـ تطلع برا

جنبت عن درب الحيا تجنيبي وانا معك ماودي التجنيبه=قامت ذلولك للقشر تحداني لكن بحداها وفارق برا
مشيت فالطرقه وسقت الجيبي طمعان في الخزنه وجات امصيبه=ياليت ابن حماد ماعناني قدام لايطلع بدربه برا

ضميرنا ما ناشه التأنيبي , يإلي ضميرك ناشته تأنيبه = لكنّ حط القفل فالبيباني , وأنته على دربك توكّل برا
أنته ترى في فترة التدريبي , ومدربك راضي على تدريبه = مير الحقيقه كلبونا أخواني , وأخوك الأكبر قال فارق برا