يالله ياوالي على كل مخلوق=يامقدر أجال خلقه والارزاق
ترحم لنا مخلوق مايعرف البوق=لاهوب خوان ولاهوب لفاق
وانك تصبر على خير ووفوق= وتجبر عزانا فالفقيده ياخلاق
تبكيه رملآ تخفي الدمع فالموق=والدمع عيا يختفي بين الامواق
وتبكيه عذرآ ماتضرت على السوق=غرب ونسها عقب نور الاشراق
ويبكيه طفل من عبايره مخنوق=خطر على صدره ماكنه فالاعماق
وتبكيه جاراته ويبكنه النوق=وقعدان عافوا الجواير والاسباق
وتبكيه ريضان ومضارب معا بروق=وصواني تطبخ مع الحيل الاشناق
شيخ محشم عند قرمه ومعشوق=رجل مع الاجناب بالطيب سباق
زبن الدخيل ياجريس مرهوق=مايحسب لروحه ولو روحه تساق
درب الشكاله والشجاعه له شوق=في راس هادي ثابته لآسفل الساق
سلم لبوه وطبع خاله ومسبوق=مركاضهم يشبع به الذيب شولاق
لوينفدى بالمال والحال والسوق=لافديه بعيالي وحالي والاذواق
ابو جزاء عقبه تكدربي الذوق=حتى حياتي مالها عندي اشفاق
الكبد يطرقها من الحزن طاروق=كدر مصافيها سناهم واحراق
يالله اني طالبك في جنتك فوق=تغدق على روحه من احسانك اغداق
وتنبت على قبره خزامى ورقروق=قبر سكن به الكرم والوفا رفاق
دنيا عبدها ابليس والعمر مدروق=ميزانها مايل ومطلوبها ارهاق
ابرك مافيها طاعه اللي له حقوق=والخالق آياته شواهد فالافاق
عسى العوض فالربع سابق وملحوق=وعيال ناشي راس مالي والاخلاق
والخاتمه صلو قبل كل منطوق=على شفيع الخلق في يوم الاطواق

المشاركة الأصلية كتبت بواسطة عبدالرحمن الهيلوم (المشاركة 806654) صح السان قايلها وشكرا لك يالذيب

المشاركة الأصلية كتبت بواسطة محمد النفيعي511 (المشاركة 807134) http://www.shy22.com/upfiles/2t495500.jpg

المشاركة الأصلية كتبت بواسطة فهد النفيعي (المشاركة 807408) صح لسان قايلها ونعم في عيال العم الفلته ومر على الرسايل الخاصه يابوهادي

المشاركة الأصلية كتبت بواسطة المحايد (المشاركة 807473) رحم الله هادي بن ناشي أبو زعبه رحمة واسعه وجعل قبره روضه من رياض الجنه. كان رجلا كريما شجاعا متلافا للمال وصاحب نخوه. له سمعه مع القبائل الأخرى ولا يجهله أحد في منطقته أبد. رحمك الله يابو جزا وغفر الله لك

المشاركة الأصلية كتبت بواسطة ابوزعبه (المشاركة 815682) الله يرحم ابوجزاء ويجعل منزله روضه من رياض الجنه والبركه فيك ياعبدالله انت وجزاء وناشي وسياف وعيد الله يوفقكم

المشاركة الأصلية كتبت بواسطة خالد بن ضمين (المشاركة 807527) اللهم اغفر له اللهم اعطه كتابه بيمينه امين امين امين أخوي عبدالله صح لسان الشاعر ذيب بن ناشي والله يرحم شايبك اللي كان امير بذكره وعلمه الطيب والله يطول بعمرك يالغالي

المشاركة الأصلية كتبت بواسطة شوردي العتيبي (المشاركة 814670) والله و مليون نعم في(أبوجزاء) هادي بن ناشي الفليت والله يرحمه رحمة ً واسعه ويسكنه الجنه واموات المسلمين وصح لسان ذيب بن ناشي (أبوناشي)