الايامرحبا بك ياولد وايل سلالة عنز =وعنز الله يبيحه جدكم معروف من طيبه
علام اللي يريد الكنز عود مامعاه الكنز =وخلى ساير العربان يارجال تحكيبه

عسى فيك البقا والوايلي مايستمع للطنز = ولو جدي يسمى عنز جدك سمي عتيبه
يميز لابسين البشت عمن يلبسون الجنز = وراع الهندبه معروف مايترك هناديبه

انا ماجيت لك بالهمز يوم اتردها باللمز =صحيح ان الغشامه كارثه بالوقت ومصيبه
رفيّع ليه عمك دق صدره للرجال وفز =وعّود من ديار القوم... لاتمره ..ولا عيبه

عطيناك الكلام اللي تبي ياللي عكست الرمز = ولو هرجك علينا مايجيب الشك والريبه
الا ياصاحبي حكوم لاتجحد رجال العز= اظن النور لو تخفيه كل الناس تدريبه

انا الليله بجيك بعلم ياشاعر يهزك هز =وحملك فوق غاربك الحمر ذالليل تسريبه
انا من يوم شفته بالعيون يقز روضه قز =وانا خابر.... وحااالف بالله انه مايزوزيبه !!!؟؟

ترى الزنجي ليا منك لمست براس خشمه نز= وانا لو جيت ابا المس راس خشمك وش تسويبه
لو ان العلم عندك ماسعينا له وقلنا طز = لكن اللي ضحك بالناس مدري وش مكاسيبه

تحوم مع السما شقر الحرار ..ولاتحوم الوز = طيور الوز ماتقدر على الحر ومخاليبه!!
تريح يارفيّع وامل فمّك من حبوب الرز = دبلت اكبودنا والقاف ماتعرف تغنيبه!!

زمنا طمن العالي وخلى اللي طمن يرتز= الا وشيب راسي من زمان اليوم واشيبه
مابي منك الشهادة وانت تدبي مثل دود القز=وانا ماني بخايب لاجل اطاوع راعي الخيبه