ياللي تبا الموّال و الشيّله إتسدّك الشيله=شيله بلاش نجيب موّالي ما فيه موّالي
من بيني و بينك من الليله نوٍّن سرى ليله=كلّه صواعق و له زلزالي للارض زلزالي

حول جبل مسعود بهذيله يانكبت اهذيله=وحنا رجال حضنا عالي طول الزمن عالي
انته تقوله مامعك حيله يامدور الحيله=ون كان مالك ياولد والي لقيت الك والي

جاك العضيّاني على خيله ما تنلحق خيله = فالمعركه فارس و خيّالي و ابوه خيّالي
الشرّ دايم و انت تومي له لا عاد تومي له=الدار ما هو من هله خالي لا تحسبه خالي

شاعر وتعجبني تماثيله جزله تماثيله=والخيل لابن فهيد هذالي مانته بهذالي
اعرف علي واعرف مفاعيله بانت مفاعيله=يبخس معي في كل مكيالي والجزل مكيالي

مع كلّ تكبيره و تهليله للناس تهليله=و انته مخيّل فوقك خيالي حيّه من خيالي
من ضرّ نفسه كيف نبكي له و الله ما نبكي له=يرخص لو إنّه عندنا غالي و أغلى من الغالي

اللي عليه الميل عزيله واقول عزيله=وانا عليك ابا اركي الصالي وازود الصالي
حتيش لو دورت تحويله مافيه تحويله=مشروب فنجالك وفنجالي ما شرب فنجالي