يامرحبا ترحيبةٍ ترقا على متن السحاب =في حلةٍ وشهي مقاييس الكرم من دونها
اشوف ابو زيد الهلالي ملتهي عنّه ذياب =خلاه في وجه الذياب اللي تحد سنونها

دام البقا بالشاعر اللي من عزيزين الجناب =العزوه اللي كل قمه عاليه يصلونها
اللي حضر لاهان واللي غاب يارجال غاب = واللي تحد اسنونها نبا نسد اعيونها

طيب طيب

ولاعليكم زود ياهل الضلع مرزوم الهضاب =العزوه اللي للمواقف ساقهم يثنونها
كنت احسبنك معه مثل اعقاب ووخيه حجاب =مير العرب دايم تخيبها كبار اضنونها

الليله الدعوى لها مضمون وعلوم وحساب = واللي مايحسب للدعاوي غر من مضمونها
احيان اقول ان السوال اللي مايلقاله جواب = يشب مثل الجمره اللي محرقه غليونها

سمحان ياسمحان خايف يتعبك كثر الزهاب =الله يعينك من دروبٍ كلكم تمشونها
الكبد مايقطع عطشها غير مزلول الشراب =هذا جزايه يوم انشّد عزوتي وشلونها

لاوالله الا راعي الحمله بعد ودا وجاب = يشتالها لو انها ياثقلها ياهونها
مالك ومال المهميه جوز من طرد السراب = كم ناس تزري يالعتيبي ماتسد اديونها

السيف ابو حدين عزه يامحمد بالنصاب = وام الكباير زادها يرمس بوسط صحونها
اخذت لك صوره ولكن معتمه مثل الضباب=مايندري عن حجمها ..ولايندري عن لونها

انته عتيبي والعتيبي لايذل ولايهاب = وأم الكباير حط سكينك على حنحونها
مالك ومال الصوره اللي بين طيّات الكتاب = واترك وعول الضلع تصدم فالجبل بقرونها

انا عتيبي وافتخر وانشد عبيده والحباب =اخصامنا اللي وقفتي لو مت ماينسونها
اثرك طايح يامحمد بين ضرس وبين ناب =وتقول ابا روضه وابا معها بعد مليونها

حاكم الغنامي

يامرحبا ترحيبةٍ ترقا على متن السحاب=في حلةٍ وشهي مقاييس الكرم من دونها
اشوف ابو زيد الهلالي ملتهي عنّه ذياب=خلاه في وجه الذياب اللي تحد سنونهـا

محمد بن رشيد

دام البقا بالشاعر اللي من عزيزين الجناب=العزوه اللي كل قمه عاليه يصلونها
اللي حضر لاهان واللي غاب يارجال غاب=واللي تحد اسنونها نبا نسد اعيونها

حاكم الغنامي

ولاعليكم زود ياهل الضلع مرزوم الهضاب=العزوه اللـي للمواقـف ساقهـم يثنونهـا
كنت احسبنك معه مثل اعقاب ووخيه حجاب=مير العرب دايم تخيبهـا كبـار اضنونهـا

محمد بن رشيد

الليله الدعوى لها مضمون وعلوم وحساب=واللي مايحسب للدعاوي غر من مضمونها
احيان اقول ان السوال اللي مايلقاله جواب=يشب مثل الجمره اللي محرقه غليونها

حاكم الغنامي

سمحان ياسمحان خايف يتعبك كثر الزهاب=الله يعينـك مـن دروبٍ كلكـم تمشونهـا
الكبد مايقطع عطشها غير مزلول الشراب=هذا جزايه يوم انشّد عزوتـي وشلونهـا

محمد بن رشيد

لاوالله الا راعي الحمله بعد ودا وجاب=يشتالها لو انها ياثقلها ياهونها
مالك ومال المهميه جوز من طرد السراب=كم ناس تزري يالعتيبي ماتسد اديونها

حاكم الغنامي

السيف ابو حدين عزه يامحمـد بالنصـاب=وام الكباير زادها يرمس بوسط صحونهـا
اخذت لك صوره ولكن معتمه مثل الضباب=مايندري عن حجمها ..ولايندري عن لونها

محمد بن رشيد

انته عتيبي والعتيبي لايذل ولايهاب=وأم الكباير حط سكينك على حنحونها
مالك ومال الصوره اللي بين طيّات الكتاب=واترك وعول الضلع تصدم فالجبل بقرونها

حاكم الغنامي

انا عتيبي وافتخر وانشد عبيده والحباب=اخصامنا اللي وقفتي لو مت ماينسونهـا
اثرك طايح يامحمد بين ضرس وبين ناب=وتقول ابا روضه وابا معها بعد مليونهـا