بسم الله الرحمن الرحيم

السلام عليكم ورحمة الله وبركاته

أدارة وأعضاء منتديات عتيبة الهيلا وزوارها

هذي قصيده الشاعر/ ثعلي بن غزاي ابوكتيفه النفيعي العتيبي

الحائزه على المركز الاول في مسابقه وصف الابل المقامه خلال مزاين الظفره في دولة الامارات الشقيقه

الإبل هواء البال ياللي مشتقيت أبها=سفن الصحاري لها فل وقلب منزالي
لو طول الوقت ما تنسى مشاربها=ولها على العد ميرادٍ ومدهالي
محدٍ من الناس بلحانه معذربها=في وقتها الماضي وفي وقتها الحالي
اتزين الأرض لامست جنايبها=حلوات الألبان تضرب فيها الأمثالي
والدار لونها بعيدة تقربها=ما همها فالمسافة طول الأميالي
لا روحت راعي المقهور يندبها=يا زين مرواحها مع عثعثن خالي
حرش العراقيب نساعن غواريها=مجهم ومغتر وصفراً تشرح البالي
وشعلٍ اليامنها ضفت جوانبها=تهيض اللي للون الشعل ميالي
هاذي هي اللي تنومس من يجيك أبها=والإبل هي البل وهي والله هي المالي
تحبها الناس والمولى محببها=ونزل بها آيات ماهو هرج جهالي
الناس بيض الحقائق ما تغاربها=ما تستمع في علاها كل عذالي
كم فرسٍ دونها الأرواح تجلبها=لا صاح صياحها والحرب مندالي
بسيوف هندٍ عطيباتٍ مظاربها=تجب عظم الخصيم وتبري الحالي
واليوم لا نحت نفاه الخد يجذبها=شبه الجزيرة لها مرتع وتجوالي
لا راح عساس والأخبار جاك أبها=وطراء لأهلها علومٍ تشرح البالي
قال الديار أرجعت والوسم صايبها=عشب ونواوير فيه المزن همالي
كلاً يجيب الرجال اللي يشدبها= ويشيل حمله علاها خفاف وثقالي
هاذي تخص أهل الابل في تجاربها=سفينةً لا التنقل مالها أمثالي
تقطع علاها الفيافي ما تحس أبها=خفافها كنها يشعل بها اشعالي
يوصيبها الشايب ابنه ويتوصبها=الياء حصل ما حصل في بعض الاحوالي
ينزل بها القفر والأقدام يتعبها=والياء نشد عنه قيل فلان وبالي
يسج رجله ويوفي في مطالبها=لون جيبه من أنواع العمل خالي
يدفع الجلها الخساير ما تصاعبها=والياء لحقها الدهر ما يرضى الأهمالي
ما هوب السوق مهما صار يجنبها=يمشي على شفها لو فيه غربالي
نقوت ابكاراً على صوته مدربها=لا صاح تنجل مصل الصيد لا انجالي
تنومس اللي الياء جاء العرض فازابها=ما جاء أبها الشهرة اسمه عبر الارسالي
في وقت نفح السموم وفي لهايبها=له وقفتٍ عندها يا طيب الفالي
وقفت مود لها من قلب راغبها=شفقٍ اليا جت تهنفله تهنفالي
هي عزوة اللي اليا منه تعزوا أبها=ينطح سهام المنايا ويحتم التالي
والابل طرات البداوة عند صاحبها=في وقت منزال ولا وقت ترحالي

ولكم مني في الختام

جزيل الشكر

والابل طرات البـداوة عنـد صاحبهـا = في وقـت منـزال ولا وقـت ترحالـي

المشاركة الأصلية كتبت بواسطة عبدالرحمن العضياني (المشاركة 799471) والابل طرات البـداوة عنـد صاحبهـا في وقـت منـزال ولا وقـت ترحالـي يعطيك العافيه والله لايهينك

المشاركة الأصلية كتبت بواسطة وثاب (المشاركة 799723) يا سلام هذا والله الوصف صح الله لسان الشاعر ومشكور يالطيب

المشاركة الأصلية كتبت بواسطة رايـــــــد الهـــــديبي (المشاركة 799769) لاهنت ياخوي علي النقل الموفق وتقبل مروري والابل طرات البـداوة عنـد صاحبهـا = في وقـت منـزال ولا وقـت ترحالـي

المشاركة الأصلية كتبت بواسطة احمد عبدالله (المشاركة 799773) هذا الوصف والا بلاش صح لسان الشاعر والناقل

المشاركة الأصلية كتبت بواسطة محمد بن غازي (المشاركة 799876) مشكور ياتركي وصح لسان الشاعر/ ثعلي بن غزاي ويستاهل ...

المشاركة الأصلية كتبت بواسطة أبو مرحبا (المشاركة 800144) صح السان الشاعر ثعلي بن غزاي العتيبي ويستاهل العتيبي المركز الاول لاهنت على النقل الموفق تقبل مروري