ساعـة ركبنـا فوقهنـه مقفيـن=جاني بطرق الثوب نـاسٍ عباتـه
رد السلام ومدلـي كفـه الزيـن=يدس عني ماظهر مـن صفاتـه
الوجه كنه والنحـر والذراعيـن=لون الحليب اليا انعزل عن رغاته
وجدي لو ان الوجد ماله براهين=ان كـان ماجـا للبنـادم مناتـه
وجود راعي هجمتن حالها شيـن=ردنـه الاشـوار دون شهواتـه
يبا الربيع ولازمينه هل الضيـن=لينٍ ذوده شـان والوسـم فاتـه
على عشيرٍ خابره بـأول الحيـن=يمدي مقاسيمـه مـن الله جاتـه
أما رمنه في قصـور وبساتيـن=والا عليه الوقـت دارت رحاتـه
طرشت اله وارد ثمان وثمانيـن=سواة من سواه وأحسـن سواتـه
البهبهاني ما أشتغل غير تمريـن=اللـي حـدود المملكـة مانعاتـه
فوقه من العتبان من يقضي الدين=قرمٍ تسدك فزعته عـن وصاتـه
اليا كفخله كن حـس الكزوزيـن=هدير هرشٍ في امـراح امهاتـه
ملفـاه ماينعـاق ربـعٍ مسميـن=فـراج والا عنـد مقحـم مباتـه
تحر مـردود الرسالـه نهاريـن=والثالث أخذ العلم منهـم وهاتـه
وان كان مايدرون عن داعج العين=راحت محابيس الهواء مع قضاته

فوقه من العتبان من يقضي الدين = قرمٍ تسدك فزعته عـن وصاتـه

البهبهاني ما أشتغل غير تمريـن=اللـي حـدود المملكـة مانعاتـه
فوقه من العتبان من يقضي الدين=قرمٍ تسدك فزعته عـن وصاتـه
اليا كفخله كن حـس الكزوزيـن=هدير هرشٍ فـي امـراح امهاتـه

المشاركة الأصلية كتبت بواسطة محمد العتيبي (المشاركة 802829) ياسلاااام ياسلاااام يعجز اللسان عن وصفها .. ونعم بآلاااد غنّااام شعراااء وبحور شعر .. تحيتي ...