رزنامة الأيـام مـع مـرّ الأيـام=ترزم وتدفعهـا هبـوب الرياحـي
ترمي سهمها كل ما طيرها حـام=وطير السعد منها كسير الجناحـي
يا مرتجين الخير من مطلع العـام=الشر زاد وساد .. والخير ماحـي
لو بثّت الأخبار معها النباء الهـام=يا ليت ما بثّـت وفـاة الرياحـي
أوّ ليتها كانت من حساب الأوهام=لاشكّ علم الموت ما به مزاحـي
دقّات قلبي عند تحطيـم الأرقـام=تسطي ويبطي خاطري ما أستراحي
لا والله إلاّ مات فـدّاح الأخصـام=اللي عليه الشعّر جـرّ المناحـي
علم وفرقه بان عن كلّ الأعـلام=رفرف .. وصابته المنايا وطاحـي
بيطار عدّ وردّ .. شامخ ومقـدام=جبل محصّن من جميع النواحـي
حاكم شعر .. مدام للشّعر حكـام=كم زاح حكمه حاكم ٍ مـا يزاحـي
له سيرة ٍ بيضاء وله سيف صرّام=وإليا جرح يصرف علاج الجراحي
مدات كفّه بالوفـاء حظهـا قـام=ماهيب مدّات الكفوف الشحاحـي
من عزوة ٍ تجمع عزيزن وكـرام=أهل المراجل مبعديـن الشباحـي
فـي حبّهـم والله مانيـب منـلام=والحبّ ما بيـن القبايـل مباحـي
أعزّي الأصحاب من قلب منضـام=يا كبر همّك يا القلوب الصحاحـي
وأعزي الشعّار من كـلّ الاقـوام=في فقد طير ٍ من طيور الفلاحـي
عساه بالفردوس في ظل الإسـلام=من رحمة الله لا بس ٍ له وشاحي
يآرد على حوض النبي خير الأنام=مثواه في الجنّه .. وشربه قراحي

لا والله إلاّ مات فدّاح الأخصـام=اللي عليه الشعّر جرّ المناحـي
أعزّي الأصحاب من قلب منضام=يا كبر همّك يا القلوب الصحاحي
وأعزي الشعّار من كلّ الاقـوام=في فقد طير ٍ من طيور الفلاحي

يا مرتجين الخير من مطلع العـام=الشر زاد وساد .. والخير ماحـي
لو بثّت الأخبار معها النباء الهـام=يا ليت ما بثّـت وفـاة الرياحـي

نسال العلي القدير أن يتغمد الفقيد بواسع رحمته ويلهم ذويه الثبر والسلوان

صح لسان الشاعر سداح وليت أن نعرف أسم الشاعر الصحيح

ولاهنت فيصل المسعودي ..