ألا يا عيد جعل السيل يشتالك مع الوادي = من مزون الخيال اللي يدن .. ولاح برّاقه
كلامك يا ولد عاصي .. مزعّل بعض الأجوادي = وخلق الله ترا ما تدعي ..من الباب للطاقه

انا ماقد نزلت الوادي اللي فيه وتنادي = يجيك بوادي السيل الكبير ويطرح اوراقه !!
ليا ضاق الرديف اظن ماني عنه نشادي= ولوّنك من الغالين منته قاطع الساقه

طلبتك وحّد الرحمان ..وأطلب ربنا الهادي = يكبّـر عقلك .. ويرزقك يا ابن الناس بأرّزاقه
ولا منـّا داعنا .. والدعاء يا عيد ما فادي = نحطك بيننا فالمنتدى يا عيد >>>كالناقه

تدافع عن رجالٍ صيتهم بالمرجله بادي = تراهم محتمينك يوم راسك رهن حلاقه
ياماشاء الله تطورنا ,, وقادح فالهوا غادي = ولو يومي عليه العازمي نار وركز ساقه !!

على ظهر الجمل يا عيد ..دوم موثـّق شدادي = وراسي يا طويل العمر فوق .. ورهّن خلاّقه
تطوّرنا وزدنا ... مير بعض الناس ما زادي = بعد ما جاه علمي .. والله إني باغي فراقه

انا ما زيدك الاخير ,, جعلك ثالث اعيادي = فرحنا في بروزك يوم تسبق ناس سباقه
تجاوزت المراحل كلها بالحيل ,, فالمادي = الا واحبّني للي يميّز شعره اخلاقه

المشاركة الأصلية كتبت بواسطة العازمي (المشاركة 790704) انا ما زيدك الاخير ,, جعلك ثالث اعيادي = فرحنا في بروزك يوم تسبق ناس سباقه تجاوزت المراحل كلها بالحيل ,, فالمادي = الا واحبّني للي يميّز شعره اخلاقه ههههههه جزيت خيراً ياقادح وش دراك اني ابسري!! صح لسانك وشرفتنا باللعب معك