ساقتني الاقدار من دار في دار = دار ٍ بها نحيا ودار سنيه
دار ٍ لها فالقلب حشمه ومقدار = ودار ٍ لها فالقلب تسعين كيه
واللي يشوف الحال تنبيه الاسرار = اسرار في وسط الضماير خفيه
اخفيت مابي عن رديين الاشوار = ولا زمان ٍ يشمت اللاش فيه
رضيت بالمقسوم وبحكم الاقدار = وقصرت رجلي عن دروب الخطيه
ياما عذلت النفس عن درب الاوزار = حتى لزمت اخطامها في يديه
اخذت فالدنيا تجارب وتعبار = وعرفت فيها كل حسنه وسيه
تجريبنا الايام والوقت دوار = والعمر يمضي بين روحه وجيه
لكن يالمنصوري اليومه امجار = ماكل شي صار له جاذبيه
اليوم يابو حامد الفكر محتار = والنفس طابت من هوى العامريه
وجدي على خمس ٍ ليا صار ماصار = هي شف بالي من حياة شقيه
الاوله قلب ٍعلى الضيم صبار = لجل الرفيق اللي يدوس الخطيه
ندمح خطاه ولانبا منه معذار = ولا العدو نسقيه كاس المنيه
لابد مايندم وتاتيه الاخبار = بكره و ترميه الليالي عليه
والثانيه ربع ٍاجاويد واخيار = مقعادهم فالنفس له قابليه
يازين مقعدهم على شبة النار = اليا اعتزوا كل ٍينادي خويه
في خايع ماديس من عقب الامطار = ماغير ماطا جيبهم فالثنيه
والثالثه شي من الكيف مختار = مشراه غالي قيس ربع الوقيه
في دلة ٍ يعبالها هيل وابهار = هي منوة اللي يعشق الشاذليه
فنجالها جاب المدايح والاذكار = كنه دوا للراس فالصيدليه
والرابعة نوق مجاهيم وابكار = تسعين من غير الفحل والمطية
مسراحها يشوق وايسر الانظار = ماكنها الا عسكر ٍ في سريه
اشوفها تسوا ثمانين قنطار = امن الذهب في خزنة الصيرفيه
والخامسه سيارة ٍ جيب فكس آر = امواصفاته كلها عالميه
من ديرته تلقى على وجهه اغبار = آخر موديل مورد ٍ فالحويه
لا ضاق صدري ثم اخذت به مشوار = ادله ويسلى خاطري في شويه
ادوج به بين الفيافي والاقفار = ماغير انا والطير والبندقية
هذا طرات الروح ياطير سنجار = ولا الشعر ماعاد لي فيه نيه
من بعد ما صار اله فالسوق تجار = اتبيعه وتشريه صبح وعشيه
لكن ليا جاء للتماثيل بيطار = ماتنطفي ناره مع الوقت حيه

المشاركة الأصلية كتبت بواسطة عبدالله الجـــذع (المشاركة 790490) من ديرته تلقى على وجهه اغبـار آخـر موديـل مـورد ٍ فالحـويـه ابن سرحان قصيده تجلي العماس مبدع وربك الله ماشاء الله عليك الابداع معك اينما كنت راقت لي كثيرا صح فكرك وقلبك محبك .,

المشاركة الأصلية كتبت بواسطة أبو مرحبا (المشاركة 790497) الرائع: ابن سرحان الثبيتي صح الله لسانك يالغالي على القصيده الرائعه .. بيض الله وجهك وماقصرت .. تقبل مروري

المشاركة الأصلية كتبت بواسطة السميــــــري (المشاركة 790539) بن سرحان .. أنت مذهل في قصائدك .. مبدع ..

المشاركة الأصلية كتبت بواسطة عيضه الثبيتي (المشاركة 790595) وجدي على خمس ٍ ليا صار ماصار هي شف بالـي مـن حيـاة شقيـه الاوله قلب ٍعلـى الضيـم صبـار لجل الرفيق اللي يـدوس الخطيـه ندمح خطـاه ولانبـا منـه معـذار ولا العـدو نسقيـه كـاس المنيـه لابـد ماينـدم وتاتيـه الاخـبـار بكـره و ترميـه الليالـي علـيـه والثانيـه ربـع ٍاجاويـد واخيـار مقعادهـم فالنفـس لــه قابلـيـه يازين مقعدهم علـى شبـة النـار اليا اعتـزوا كـل ٍينـادي خويـه في خايع ماديس من عقب الامطـار ماغيـر ماطـا جيبهـم فالثنـيـه والثالثه شي مـن الكيـف مختـار مشراه غالي قيـس ربـع الوقيـه في دلـة ٍ يعبالهـا هيـل وابهـار هي منوة اللـي يعشـق الشاذليـه فنجالها جـاب المدايـح والاذكـار كنـه دوا لـلـراس فالصيدلـيـه والرابعة نـوق مجاهيـم وابكـار تسعين من غير الفحـل والمطيـة مسراحها يشوق وايسـر الانظـار ماكنهـا الا عسكـر ٍ فـي سريـه اشوفهـا تسـوا ثمانيـن قنـطـار امن الذهب في خزنـة الصيرفيـه والخامسه سيارة ٍ جيـب فكـس آر امواصفـاتـه كلـهـا عالـمـيـه من ديرته تلقى على وجهه اغبـار آخـر موديـل مـورد ٍ فالحويـه الله يحقق لك الخمس يابن سرحان صح لسانك تقديري

المشاركة الأصلية كتبت بواسطة ابو فايح (المشاركة 938382) والخامسه سيارة ٍ جيـب فكـس آر=امواصفـاتـه كلـهـا عالمـيـه من ديرته تلقى على وجهه اغبـار=آخـر موديـل مـورد ٍ فالحـويـه الله الله الله ابداع صح لسانك مدد بلا عدد

المشاركة الأصلية كتبت بواسطة مطلق الفليت (المشاركة 938410) ابن سرحان مبدع واللة انشاللة يحقق امنياتك في اقرب وقت

المشاركة الأصلية كتبت بواسطة سعود العصيمي (المشاركة 938417) في دلـة ٍ يعبالهـا هيـل وابهـار هي منوة اللـي يعشـق الشاذليـه فنجالها جـاب المدايـح والاذكـار كنـه دوا لـلـراس فالصيدلـيـه والرابعـة نـوق مجاهيـم وابكـار تسعين من غير الفحـل والمطيـة مسراحها يشوق وايسـر الانظـار ماكنهـا الا عسكـر ٍ فـي سريـه اشوفهـا تسـوا ثمانيـن قنطـار امن الذهب في خزنـة الصيرفيـه والخامسه سيارة ٍ جيـب فكـس آر امواصفـاتـه كلـهـا عالمـيـه من ديرته تلقى على وجهه اغبـار آخـر موديـل مـورد ٍ فالحـويـه لا ضاق صدري ثم اخذت به مشوار ادله ويسلى خاطـري فـي شويـه صح والله لساانك واعتلا شأنك وسلمت بنااانك يابو ريااااان رااائعه بروعة شاعرها تحياتي وتقديري