سلام تسليمة ٍ عقب الغياب الطويل = اما تردونها والا تخلونها
الكبتن اللي مع العالم يحط ويشيل= ذبحته مادوني الليله ومادونها

يامرحبا بالعميل اللّي يشوف العميل=عملة وفاء.. والكلام الزين عربونها!!
ماأنته بذابح عتيبي وله حيله وحيل=قبلك عرب قد سحقت الملح فعيونها!!

الكبتن اللي مع العالم يحط ويشيل = ذبحته مادوني الليلـه ومادونهـا

ماأنته بذابح عتيبي وله حيله وحيـل = قبلك عرب قد سحقت الملح فعيونها!!

دام البقا والمعاني بين عدل ٍ وميل = والمايلة ياعتيبه لاتجيبونها
كل ٍ يعود شجاع ليا لقا له ذليل = تراك لاقي عرب مالوني بلونها

الشجره اللّي تحتها فيه ظلٍ ظليل=عسى الحطاطيب ماتقرب من غصونها!!
أنته تكلم ولا عندك شهود ودليل=ماغير كلمتك تبغى الناس يوحونها!!

كان انت حارس على الشجره بسيف ٍ صقيل= وش فيك خليت كل الناس ياطونها
اللي سمع لك يقول مكون المستحيل = وانته من العالم اللي تسحب ردونها

ماني لذرّية آدم يالعتيبي وكيل=سفينتك وين متجهٍ دركسونها!!
ياخُف هرجك ودمَّك يمكن أنه ثقيل=لكن درج قدم رجلك على هونها!!

افخر لو اني عتيبي من حماة الدخيل =لكن تراني من رجال ٍ يعدونها
ياكثر هرجك لكن الفود منه قليل = لكن بضايعك رجعها بكرتونها

والنعم ابك والعذر من ربعي اهل الجميل=بغيت اغيّر بسايرها وقانونها!!
لو ان عندي خبر باسمك ورقم الفصيل=طحنت حبتك يالغالي بطاحونها!!

اشره على ربعك اللي نزلوك الطويل = مار المعاذير مدري كيف تلقونها
انت بسواتك تظن انك تحصل حصيل = والليل بيح سواليفك ومخزونها