سرحان يقنب وابن سرحان صيد السعد = ماسد جوع الذيابه غير صيداتها
حث الركايب وانا وياك وسط البلد = معك الدليله يحدد كل وجهاتها

المشاركة الأصلية كتبت بواسطة العازمي (المشاركة 789067) اذا سمح وقتك :) سرحان يقنب وابن سرحان صيد السعد = ماسد جوع الذيابه غير صيداتها حث الركايب وانا وياك وسط البلد = معك الدليله يحدد كل وجهاتها

يالعازمي وش حدابك في دروب النكد = ادروب عسره ولا تقوى ملفاتها
كم سايق لا عطاها قال انا مستعد = وتبان فنهاية الرحله معاناتها

لو ننشدك وش حصل فالسبت قدم الاحد = اتقول مرّت واكلنا من مطبّاتها
انته طموح وخصيمك مايناحيه احد = عساك تصبر على الدنيا وصكاتها

اتدور الايام والحاضر عليها شهد = يوم انه اخذ جزاها قبل حزاتها
لكن لا تتبع الغرات وانته ولد = لا تاكل الحرجه وتقعد بويلاتها

اللي فزعلك لقاله علم ماله ردد = ماتدري ان النشاما كفو وقفاتها
اليا بنيت الخيام البيض جبنا العمد = صافح كفوف المراجل واخذ بصماتها

انته سمعت الكلام الزين ولا بعد = ياللي تحامي عن الديره وحياتها
ون كان ودك تسوي مثل صاحبك ابد = مايلحق الساقطه الا خوياتها

الظاهر اللي على الجمه عزم ثم ورد = ايّس ودلوه تقارع بين طيّاتها
العشره اللي ظهر عشره بعدهم جدد = ماشدد النازلينه كان واخواتها

هذي حياة البنادم كلها في كبد = اليوم يالعازمي طويت سجلاتها
ابو لهب حرمته عذابها من مسد = وهو كماها يبا يلقى نهاياتها

قسم القصايد يسدّك عن مسار الجهد = لعل نفسك يفارقها تنهّاتها
مديون وإن زاد دينك فحصره بالعدد = لعل غيرك يسددها على اوقاتها

المشاركة الأصلية كتبت بواسطة النشمي (المشاركة 789151) هههههههه اثر المطوع العازمي هنيا والابداع والجزاله صحت الالسن وعلى القوه

صاحبك يوم احتمى الميقاف كنه شرد = وانته تعذر وعينك في تلفاتها
كريم يالعارض اللي يوم هل البرد = هدم بيوت الرخوم وكثرت امواتها