ياربعنا الهيلا من اللي شاف لي عبدالمجيد = قالو لي اليوم انه القى خطبة الجمعه وإمام
ماني مصدق كيف طاوعهم وهو راسه عنيد = واللي شكوا من خطبته ولاّ صلاته ياسلام

ياللّي تنادي والنداء جاء للعطاوي من بعيد=انا احمد الله تمّ فرض الله على سلم وسلام
لا واحليل اللّي مع العالم يفيد ويستفيد=المشكلة في اللقمة اللّي لاحلال ولا حرام

المشاركة الأصلية كتبت بواسطة معجب العتيبي (المشاركة 788471) عبدالله بن طلال وعبدالمجيد صحة السنتكم ولاتكشفون الاسرار ههههههههههه والامام وشلون صلاته؟

الفرض راح ولا اختلفنا لكن أذنوب العبيد = حسب الامام ونيته يمكنها اكبر من جهام
وأثرك بعد تفتي ولالك غير يومين وشديد = ياشر اهل حارتك كانك عندهم شهر الصيام

بعض الهروج اللّي نطقها الرجل بلسان مريد=تهوي بصاحبها في نار الآخرة سبعين عام
المسلم اللّي يضرب الجاهل بسيفِ من حديد=احسن من اللّي للجهل ولأهله يدقّ الأحترام

المشاركة الأصلية كتبت بواسطة عبدالله بن طلال (المشاركة 788481) شرفتنا يابو سلطان حضورك تراه هو نور المحاوره واثمرتها ولو ابو نمر يهدد ويتوعد ههههههههههههههه

بعض الاوادم يبتلى وايمانه بربه يزيد = واليا نشدته قال أبد كلش على احسن مايرام
وانته تبى جنات خلد ولاتبى الموتة شهيد = وودك تصيد ولا تبى فالارض قشع ولاعسام

احدن يبى العيش الغني واحدن يبى العيش الزهيد=تخالف الأنظار يمّ الشرق والقبلة وشام
وافكرتي وانكرتي في الصايد اللّي ما يصيد=لو كان للصيد الجزيل اجود شناكير الحزام

المشاركة الأصلية كتبت بواسطة عبدالله بن طلال (المشاركة 788511) يابو نمر ماقلنا شيء انا ومعجب و يجوز ان معجب غابطك على اجر المسلمبن اللي رحت تصلي بهم هههههههههه

طيب علامك يوم خليت الموالي للبعيد = حتى على صيد البحر يكلك في خشمك عرام
تراك موعدني تعشيني على الضبي الفريد = وصدته واكلته مع حبيب القلب واعماك الغرام

ما اقول غير الله يعاونّي على حفظ الرصيد=طعني وجنّب عن بني عمّك متاويع الكلام
مكسب يدي محدن بطامع فيه في حرزٍ جويد=واللّي يحامي دون قسمه والله انّه ما يلام