يالعصيمي نسف الغترة وطو البشت طوّه = في ميادين الشعر مابيننا غير العداوه
خل في وجهك حيا وجهك وفي نفسك مروه = لاتقدم بالجماعه وانت جاهل فالتلاوه

يالثبيتي ياحليلك جيتنا تزحف بقوه=الجبال الراسيه ماهمها شهبٍ تهاوه
اتجرى فالمواقف بالشجاعه والفتوه=يوم قلبك يالثبيتي خاليٍ مابه سطاوه

كل ماتقدر تسوي ياطويل العمر سوه = ان لحق بك دين سده وان لحق بك جرح داوه
ليه يوم الشيخ قدم لك قراه وشب ضوه = فوق جاله تشرب من الكيف وتمص الحلاوه

كيف أبى ضرب ضربتي في واحدٍ بالعرف توه=ومتحيز موقعه بين الحضاره والبداوه
يامحمد وش حصيلك فالدهر خيره وسوه=قبل تاصل في مقامات الشيوخ أهل الحفاوه

من يعذرب في سمو الشعر رج الله سموه = ماله الا حرف من كلمة حبيّب فالعلاوه
انت لو الطيب ينفع معك وتفيد الحموه = كان أحقن الدم من روس الذيابه فالقطاوه

الله الله ياخيالٍ بارقه في وسق نوه=الهوا ركد مساره بالركاده والهداوه
كان ما أنته يالثبيتي من عيال آدم وحوه=لاتفلس مامشينا بالتغطرس........

ويش تأخذ يافقير الهرج من حق المفوه = اصتغى الميزان لكن ياسفير طحي ساوه
ياعصيم اصحابنا هذا الولد ماني عدوه = مير اعلمه القسا ... لازال في عظمه طراوه

جيتنا من بعد غيبه والجمل مازان جوه=فانيٍ حاله مقوس مايجي درب المغاوه !!
ماربطنا مع كريمين اللحى غير العنوه=وأنت تلعب من شقاوه وأخذ الدعوى ضراوه !!

ماتفيدك صبغة التجميل يالوجه المشوة = ولو نعتبرك نقي مانعتبر هرجك نقاوه
أحسب انك عارف العراف وبعرفك ينوه = واثر عرفك مايشبه غير مع بيض الصعاوه

صح بدنك يالجلاه والشرف لي والمعذرة اذا حصل مالا يليق بكم