سلام رديت وفا تنصى مطاليق الرجال = ترقابهم سود الجبال اللي تعاوآ ذيابها
تعال يابندر عضيدي مسندي ذيب العيال = في خاطري هرجه ولكن ماقدرت ابدابها

يامرحبا بك يالمسلّم عد ماهل الهلال=واللي تطريها تراني معتلاً مرقابها
ابشر بجابة شافية كانك طرحت اللي السوال=هات العلوم اللي على بالك وفل كتابها

الليل يالاد مزحم

صحت الالسن

خابرك وافي والوفا طبعك على مر الليال=ولانته بجاهل في تواريخ العرب وانسابها
ماعاد ينفع يابن مرشد (ذا حرام وذا حلال) =لابارك الله في دقونٍ ماتعز اشنابها

في كل حال الأولة كسباً لنا في كل حال=انتم وحنا.... والقرايب ما تغّر اقرابها
مادام طبيت البحر والبوصلة تشر شمال=سرّ السفينة يابطل واحرص على ركابها

المشاركة الأصلية كتبت بواسطة أخو جوزا (المشاركة 787714) الليل يالاد مزحم صحت الالسن

المشاركة الأصلية كتبت بواسطة بندر المرشدي (المشاركة 787690) ابشر بجابة شافية كانك طرحت اللي السوال=هات العلوم اللي على بالك وفل كتابها

ماهمنا نرسي كما ترسي جلاميد الجبال=والحيه الرقطا تموت وسمها في نابها
بعدين انا جاين بعلمٍ غير عن هذا المجال =ام الكباير بيننا ياصاحبي وش جابها؟؟؟

المشاركة الأصلية كتبت بواسطة محمد المنصوري (المشاركة 787733) ياسلام ياسلام

عبرت عن حال القبيلة يوم خيلت الخيال = لا تفهم الهرجة غلط وتردها بقرابها
ام الكباير خلها في حالها يابن الحلال=مغزا علومك فاهمه لكن فج ابوابها

انته علامك ماتعقّل ساق ريمه بالعقال = في كل مجلس نقلطه شميت ريح اطيابها
ان كان ماتبغى نطول بالكلام وبالجدال=هادووك هذي خنجرك ثم ذوق طعم نصابها

بندر ترا ما له دخل في كل ما قلت ويقال=يامن يزور القبلة الأولى ولا صلابها
طالت حبال السالفة والا قصرت الها الحبال=ماهمنا ياعمنا من يمنا ترضابها

:)

كله من اسبابك وفعلك غير عن كل الفعال=ياللي رميت الهرجه اللي ماحسبت حسابها
ماتدري ان الحمل فوقك ماتقوم ابه الجمال =ربع الكذابه ماتخلي نقها واكذابها