|
عندك فلوس زايدة تبا تصوتبها عطنيها احطها في ذبيحة للثلاجة
الله يمسيكم بالخير
تسيف حالكم وش لونكم ووش لون وراعاتكم والبديدة كلها عساكم طيبين تطويل العلوم مالها لزوم انتم خابرين شاعر المليون وغيره الي وراه ظهر يدفع دراهم هو الفايز والسنتين الي راحت شركة كيوتل القطرية ماتقصر ترش شاطئ الراحة ولا المفتاحة بالرسايل رش للمتسابقين الي من دولتها وشركة اتصالاتنا طيبها علانا مره فاصلين الجوال ومرة مرجعينه ومره فاصلين النت ومرة بطي وبرابسها واجد وحنا نصوت والفايدة للنشوى الرويني والاتصالات السعودية واخرتها يطلع بها قطري راشته شركة كيوتل بالرسايل رش هالحين كلها والسفاير فالكم ان كان في شركة الاتصالات السعودية طيب وخير تحط راسها براس شركة كيوتل القطرية وترش المتسابقين السعوديين بالرسايل وخلونا نشوف من اطيب من الثاني كيوتل القطرية ولا الاتصالات السعودية عنما حنا يالمواطنين وش دخلنا في السالفة مرة الاسهم داقتنا ومرة التصويت داقنا ومرة اسعار المواد الغذائية داقتنا كلها على رويساتنا يالمواطنين وحنا كل واحد ماسكن جواله يصوت علشان يفوز شاعر يترزز عند روضة وطقة روضة وهو والله مادر عن الي صوت زبدة الكلام التصويت في هالمسابقات من تخصص الاتصالات السعودية مثل ماهوب من تخصص شركة كيوتل القطرية حنا يالي على باب الله برا الموضوع كله والي يشوف نفسه عنده فلوس زايدة ويبا يصوت لشاعر ماجاب خبره ولاهوب قايل حتى جزاك الله خير يعطيني قيمة الدراهم الي يبا يصوتبها بحطه في ذبيحة للثلاجة واقوله جزاك الله خير وفوقها حبة على خشمه |
كان في شركة الاتصالات السعودية طيب وخير تحط راسها براس شركة كيوتل القطرية وترش المتسابقين السعوديين بالرسايل وخلونا نشوف من اطيب من الثاني كيوتل القطرية ولا الاتصالات السعودية ........................................ ياطيب خشمك ياعكاش.. والله كلام الحقيقه وتدري بعدرايح يصيرالتصويت عام لجميع شعراء السعوديه وننهي العنصريه المطلوب منك يابو العكاكيش ارسال برقيه عاجله للاتصالات السعوديه .. وتزود المسئولين المعنين بصوره من هذه البرقيه واكيد سوف نحتكراللقب...لسنوات..! مااكثرنا حنا وخدمنا وعمالناعلاهم علاهم.. سوف نغرق شاطي المليون بالرسايل |
بكل تلقائيه وباسلوب رائع قلت الحقيقه اخونا عكاش واعتقد انها وصلت للمتابع ... ولكن هل تلقى الصدى !! حقيقه اشك في ذلك .. حفظك الله |
هههههههههههههههههه
بيض اللله وجهك |
تستاهل ياعكاش ذبيحة لك على الصحن بوجود رجال شرواك :) صراحة نقطة منطقية اعجبتني في مقالك وهي: اقتباس:
تحياتي |
اتمنى من ابناء قبيلتنا ولو مره وحده لايصوتون يخلون شعرائنا ياخذون 600000 درهم بواقع 200000 لكل شاعر فالح زنايف وسعود بدون نعطي هيئة ابوظبي للتراث ولهف المساكين
|
لو جمعت جميع المبالغ التي صوت بها ابنا القبيلة لتجاوزة 10 مليون ريال..
رقم لايستهان فيةوالنتيجة حرقة اعصاب وخروج شعار القبيلة في المسابقة بكل سهولة.. هناك من ايتام وارامل القبيلة منهم احق من شركة الاتصالات السعودية..لكن اين العقول التي تفكر. |
بالتاكيد لا لا لا و الف لا للتصويت فهو نفخ في جيوب اصحاب البرنامج و لا نستفيد اي شي
اللي عنده فلوس زايده يهديها على عكاش او يتصدق بها على احد المسلمين الفقارى او يخرج بها سجينا او يتيما من ايتام المسلمين و له الاجر و الثواب اما تصويت و خبال ماله داعي خلاص انكشفوا و راحت عليهم برنامج شاحذ المليون برنامج القمار و السربته |
عكاش هذا الكلام وبس
بلا تصويت بلا هم 0000ومشكور على الموضوع الاكثر من رائع |
اتوقع لايوجد هناك شخص بكامل قواه العقليه يصوت حتى الان بعدما حصل في السنتين الماضيتين من استنزاف لأموال المسلمين ...
وقيمة الذبيحه راحت عليك ياعكاش ... |
والله انك تستاهلها وتستاهل من يحط لك الشحم على تلميحك الجميل
ولا تروح الفلوس عند نشوى وطقتها من النسخه الاولى وحنا نصيح ونقول اشكروا النعمه واحفظوها من الزوال وبعد ما اتضحت الامور هذا حنا نقول يالربع ترى في المسابقة 3 عتبان وبتتعبون تصوتون كل يوم لواحد ومستحيل مستحيل يخلون العتبان يوصلون كلهم للنهائي على الاقل اثنين منهم بيطلعون من بدري حتى لو كانوا مبدعين وفوق هذا البرنامج مايعتمد على الشاعريه البرنامج يبغى الرجال المليان اللي يصوت ودولة قطر محد ياقف في وجهها عند التصويت دوله تفتح التصويت 24 ساعه وترسل بنفسها بكجات بملايين الريالات ومايمكن يوقف في وجهها احد حتى لو يتأهل اردى مرشحينها |
الله يمسيك بالنور والسرور .. ياعكاش وتعال نحسبها بالعقل والمنطق ونضع جميع الاحتمالات : أولاً : بالنسبة للعتبان الذين سيصوتون لشعراء عتيبة: الاحتمال رقم (1) : ان يخرج شعراء عتيبة وهذا الاحتمال هو الأقرب في نظري ..... وفي هذه الحالة ستكون أنت أيها المصوت قد خسرت فلوسك على الفاضي .. وهذا هو الأقرب للذين سيصوتون الاحتمال رقم (2) : سيترشح شعراء عتيبة للمرحة التالية وهذا الاحتمال بعيد ..... ومع ذلك حتى لو تحقق فستكون انت ايها المصوت قد خسرت فلوسك .... يعني في كلا الاحتمالين انت خسران فلوس على الفاضي. بالنسبة للعتبان الذين يرفضون فكرة التصويت ولن يصوّتــــوا لشعراء عتيبة : الاحتمال رقم (1) : أن يخرج شعراء عتيبة وهذا الاحتمال هو الأقرب في نظري .. وفي هذه الحالة ستكون أنت يامن لم تصوت قد وفرت فلوسك في جيبك ...ولم تخسر شيئا .. بل بالعكس ستكون انت الرابح الحقيقي من البرنامج حيث استمتعت مجّـــــــــــــــــاناً . الاحتمال رقم (2) : ان يتأهل شعراء عتيبة للمرحة التالية ........وفي هذه الحالة ستكون انت يامن لم تصّوت رابح مرتين ومن جهتين .. من جهة بتأهل شاعر عتيبي .. ومن جهة ثانية بتوفيرك أموالك ..... قمة الربح هذا النوع من الربح اجمعوها واطرحوها واضربوها واقسموها .. العتبان اللي مارح يصوّتون كأنهم ربحوا مليون البرنامج .. كأن عتيبة وفرت ملايينهم بإختصار ... الذي يرفض التصويت ولن يقوم به سيكون هو الرابح في كلا الإحتمالين ....وهو من سيضحك اخيراً ...سواء فاز شاعر عتيبي ولا مافاز ... ويازينها لو فاز شاعر عتيبي وحنا ماخسرنا شئ .. على الاقل نعوض خسايرنا اللي راحت ................. وكأني أيضاً أرى الذين صوتوا بعد نهاية البرنامج يعضون اصابع الندم .. حتى لو فاز شاعرهم المفضل .. فهم قد خسروا مالهم .. من يضحك أخيراً ..... يضحك كثيراً |
وكلامك عين العقل ياعكاش انشهد انك جبتها وتستاهل الشحم والكيف يالذيب |
كلام منطقي وعقلاني
يعطيك العافية |
اقتباس:
انشهد يالرومي كلامك في محله وياليت كل ابناء الهيلا يصوتون لمن هو احــــق من ارامل وايتام وفقراء ومعسريــــــن لا يجدون قوت يومهم والهيلا مذكوررره من خلقة الدنيا ببيرق العز والعلم الغانم ولكن اين العقول التي تفكر (جماجم مجوفه) حشاك تحياتي |
كنت اتمنى ان لا يكون هناك اي حفل دعم لاي شاعر سواء عتيبي او غير عتيبي لانني اعتقد بل اجزم ان هذه الاموال سوف تذهب الى جيب ( الست نشوى ) وكما تعلمون فا ( الست نشوى ) تحب المال كثيرا جدا وهي ايضا مدانه لريحة الحبايب في قطر بحكم زواجها السابق من امير قطر المخلوع وهي لاتعترف الا بالمال وعندها مقوله ( الفوز للي يدفع اكثر ) وكما تعلمون فإننا نحن كشعب ماكلينها من كل الجهات غلا معيشه - وغلا سكن - وغلاء سيارات - وغلاء كهرب وجوال وديون بنوك - وخساير اسهم - والتزامات ماليه عائليه ولدينا فقراء - وارامل - وايتام - ومساكين فأيهما افضل ان تذهب هذه الاموال الى الفقراء والمساكين او تذهب الى (الست نشه ) ايهما اكثر اجرا واقرب الى الله ورضاه ان ندعم برنامجا به من الموانع الدينيه مابه وبه من الذنوب والمعاصي مابه ونأخذ من اموال اولادنا وحقهم المشروع ونحرقها بايدينا ونأخذ من اموال يجب ان تدفع لمن يحتاجها شرعا اعتقد انه من الافضل والاوجه والاقرب الى الله ان ندفع هذه الاموال ان كنا مستطيعين الدفع لشاعر المليون ان ندفعها لرضاء رب العالمين ونصل بها ارحامنا ونتصدق بها على فقرائنا ونرسهم بها الفرحة والابتسامه على وجوه الايتام والمساكين لنكسب بها رضاء رب العالمين سبحانه يجب ان تنتهي حفلا ت التبرع للمسابقات ونعم لجمع التبرعات لفقراء القبيله ومساكينها واراملها ان كنا جادين في فعل الخير والنوماس مشكلتنا نحن كقبيله بدأنا نبحث عن حب الظهور المصطنع الذي يكلفنا ويرهق طاقاتنا ونترجل عن فعل الخير والظهور المبهج الصالح لماذا لم نسمع بأحد ابنا القبيله يبني دارا لرعاية الايتام او دارا اجتماعيه للاسف سبقونا اجدادنا في تسطير افعالهم في صفحات المجد بماءٌ من ذهب سبقونا بفعل الافعال على اصولها شجاعه وكرم وبحث عن المجد اما نحن فيبدوا اننا لازلنا نبحث عن مجد تهديه لنا ( الست نشوى ) انا هنا قد اكون استرسلت في الحديث كثيرا ولكن ولشئي يحز في قلبي قلت ذلك انا لاانكر انه في القبيلة الآن شباب وشياب لهم افعالهم الخيره ولهم مناصبهم التي ترفع من اسم القبيله نعم لدينا الوزير والفريق ولدينا الطبيب والمهندس والطيار نعم لدينا المعلم - نعم لدينا من يحمل اعلى الشهادات واندر التخصصات نعم لدينا من يجب ويحق لنا ان نفتخر بهم ولكن يجب ان نحذر من حفر تحفر لنا واخيرا سلمكم الله من كل شر |
عكاس وانا اخوك والله ما ينفع لو تكلم إلى بكره
الناس طايشه ودراهمها واجد واضواء مسرح الراحة مغرية وانت وانا اخوك وبدون زعل طماع (ذبيحه) مره وحده عليك بكرتون دجاج الوطنية بتسعين ريال مثل بقية الشعب |
اقتباس:
ولاكن ...!! حسبنا الله ونعم الوكيل ... |
عكاش بيض الله وجهك
لقد اسمعت لو ناديت حيا ,,,,,,,,,,, ولكن لا حيات لمن تنادي |
هههههههههههههههههههههه
الله يرجك يا عكاششش على كل كلامك اللي قلته والله تستاهل الذبيحه على صحححن ماهو في الثلاجه والله يسررر امورنا وامورنااا |
في كلتا الحالتين رايحه لثلاجه ...!!!! |
عكاشه استاجراستراحه واعزمنا ونقطلك حق التلاجه |
تطويل العلوم مالها لزوووووووووووووووووووووووم اشكرك بعنف ياعكاش كلامك درر ووجهك أبيض لاكن المشروه على من شارك في ها البرامج ورا مايكبر وسادته ويمسك الأرض ولايتعب نفسه. ويخلينا نتفرج وبدون تصويت اكرر اشكرك بعنف |
بيض الله وجهك
ولازالة المسابقات مستمره في شحذ الاموال |
الناس هذي مهيب صاحية منشغلة مع هالمسابقات وهي كلها لعبة في لعبة
كل مابغى واحد يلعب على الناس وياخذ فلوسهم ربط سرواله الله يكرمكم في عصا مكنسة وقال بيرق وجتك هالشعار منطلقه كل واحد يبا هالعصا اللي مربوطن فيها سروال راعي المسابقة نصحنا وعلمنا وحذرنا لاماش علم |
كان في شركة الاتصالات السعوديةخير تحط راسها براس شركة كيوتل القطرية ونشوف بعدين من الي يفوز في الاخير كيوتل القطرية ولا الاتصالات السعودية واعذروني على القصووور اخوكم/ فهد محمد العصيمي |
عكاش الله يهداك المسابقات هذي تبي الفلوس مثل ماتبي فلوس انت لثللاجه والتصويت ياخوان ترا حرام هذا افتاء فيها ال الشيخ قبل شهر قال التصويت حرام لكن الشباب الله يهداهم من شافهم قالوا مليونير يرسل للبرامج وهو مايدري وش تسوي البرامج لكن خلهم هذولي مغار صغار السن |
اقتباس:
وصف جميل لبيارق النهب والكذب والخداع |
اقتباس:
تعليق جميل منك اخوي :d:d |
من المشاركات الطيبه
لتذكير |
السلام عليكم
باختصار لاحياة لمن تنادي لقدفقدو القوم عقولهم ولايزال التصويت مستمر الا ماشاء الله |
عكاش خطاك اللاش ... اضحك الله سنك .. مقال رائع .. استمر وعطنا جديدك فديتك
|
هههههههههههههههههههههههههههههههههههههههههههههههههه ههههه
عكاش طرح الموضوع في قالب كوميدي ساخر جيد يدل على شخص صاحب طرفة ودعابه وغير مستغرب منك هذا الابداع . وسع الله صدرك ومخباك مثل ماوسعت صدري وتستاهل الشحم مع الطيبين لاهنت تقبل مروري يامبدع ولاتحرمنا جديدك . |
هههههههههههههههههههههههههههههههههههه
عكااااش انا اشهد كلامك من قلب ولكن والله مالك حيلة فعلا لا زال استنزاف الاموال موجود ولكن لا حياااااااااااة لمن تنادي ان كان تبغى ذبيحة ثلاجة حط لك رقم يصوتون لك فيه وابشر والله بالذبايح .. مهي ذبيحة وحدة |
صدقت ياعكاش
في كل حرف قلته |
الله لايهينك ياعكاش على الافكار الرائعه
والتصويت عن طريق الحريم والورعان والضحيه الابو قعاد يشحن مايدري وش السالفه |
اشكرك على هذا الطرح الجيد
|
ترى لهالحين محد عطاني قيمة الطلي وعقب هالنصايح لهالحين تصوتون :mad:
|
عكاش والله انك تستاهل كل خير
لاهنت ياابن العم |
الطليان ارتفعت اقيامها مهيب على خبرك :cool:
|
| الساعة الآن »08:53 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd