ان مركم فواز يا هل المنتدى ردوه الي=انا لقيته في ديار هذيل يزرع قنبله
لوتنفجر تشتب نار من البهيته لا حلي=ولا ديارنا نحمد الله ماعليها مشكله

وش بصركم فاللي يلز النيره اللي تصطلي ..؟ = هناك نعرف زيلته ويدس وجهه عن هله !!
قلبك من الخوف امتلا صاطي وقلبك ممتلي ! ؟ = تعال ابقرالك من الرحمن لين الزلزله

اقفل على الصندوق بالقفل القديم الاولي=الارض لا آدم كلها مير السماء مهيب اله
قبل امس مرينا تهامه والطريق الساحلي=فيها الجراد المنتشر ليت الحكومه تقتله

ان قلت لك جب لي غرض ياصاحبي قم جيب لي = ولا ترى والله لاعلم بالعلوم الاوله
انسد ريع المشكله قدام لاتشره علي = وانا ترى مبسوط شفت اللي عيون مكحله

اصحى تعود فالنحر ياسيف ابوطالب على=اللي يبور بصاحبه جعل الذيابه تاكله
عان الجنايز فالقبور مكفنه ولله ولي=والطرقي اللي ذبح العربان مستاق اجمله

اصحى تعود فالنحر ياسيف ابوطالب على=اللي يبور بصاحبه جعل الذيابه تاكله
عان الجنايز فالقبور مكفنه ولله ولي=والطرقي اللي ذبح العربان مستاق اجمله

ياخي ترى لامشكلة لوجيت بالوجه الجلي !! = ياللي مقنع لك قناع مفصله ومدبله
انا لمحت ازريق قلت ازريق ماهو بجملي = اخذت لي لفه وجيت وشفت نوق معقله

الناس تعرف كل شي عن الامام الحنبلي=والمنزل اللي في طرف بغداد ماهو منزله
عزلله انك شيخ لاكن ماوراك الا الخلي=الا تلتفت يم الجنوب ورد وجهك لجبله

خلك سواتي جنب ربعي ماقفي ماله حلي = اللي تحزم بالمهند يحتميه وينقله
يا نازل الجمه تبا تصبر لميحات الدلي = ولا انت لو نبيت لك رجال باسمه حصله

لي ماقفٍ يجلى الملامه دون ربعي ياهذلي=مهوب علمٍ فالتصلات الفضاء المتنقله
وانا اعرفك فواز تعرفني وتعرف منزلي=لكن بيت ينتج الفيران روح وقفله

اللي مدح نفسه يقولون الرجال يبلبلي = مثل المهندس له دعايه تمدحه في معمله !!
الله يخلي عودكم من عزر جمه تنهلي = ولا الرفع ماتاصله يوم الرخا ماتاصله