ابطيت انادي وانت كثّرت الأعذار = ماقلت لي ياجارح القلب وش فيك
رجلك على مويه ورجلي على نار = والفرق واضح بين هاذي وهاذيك
كانك تبيني لاتردد وتحتار = انا ترى من قبل اشوفك وانا ابيك
وكانك تغلّى خذ على طول الاعمار = فدوة عيونك يالغلا عمر مغليك
بس لاتعذبني على شيء ماصار = الاّ اذا تعذيب الاحباب يرضيك
حبك تراه اجتاحني كنّه اعصار = ويموج بي كني معلّق [تلفريك]
ويرجّ قلبي مثل زلزال الاهوار = وافز من نومي واناديك .. اناديك
وادوج من كثر الطواري والافكار = كنك معي ولا كأني مخاويك
واقوم واجلس مثل حقّين الآثار = ومن وين مالقيت بالعين الاقيك
عجّل قبل لا أتعب من البعد وانهار = ارحم حبيبك جعل ربي يخليك

المشاركة الأصلية كتبت بواسطة عبدالله الجـــذع (المشاركة 778659) ابو طلال اسم مقرون بالابداع والتميز صح فكرك وسلم خيالك لاهنت على هالفريده وننتظر جديدك محبك .,

المشاركة الأصلية كتبت بواسطة فهد النفيعي (المشاركة 778730) عجّل قبل لا أتعب من البعد وانهار ارحم حبيبك جعل ربـي يخليـك صح لسانك مدد بلاعدد وفي انتظار جديدك

المشاركة الأصلية كتبت بواسطة محمد الحمادي (المشاركة 778660) صح إلسانك ... وسبقني أخوي عبــدالله :) مبدع يأبو طلااال :)

المشاركة الأصلية كتبت بواسطة أبو فيصل الدلبحي (المشاركة 779083) الله اكبر عليك ابو طلال صح لسانك اكثر من ما نطق لسانك انت بحر من الجزاله وانت خليتنا مثل حقين الاثار يابو طلال نلقاك بالعيون وين مارحت بالشعر تقبل مروري ياجبل الشعر والمشاعر

المشاركة الأصلية كتبت بواسطة فيـــــ الروقي ـــــصل (المشاركة 780130) صح السانك يابو طلال ابيات جزله من شاعر جزل وتقبل مروري