ياكبتن عتيبة مادام أنك ورى السيل الكبير = وراك ماتحرم من الميقات وتلبي لها .!
ماتعرف الوقفه ولا المشعر ولا يوم النفير = وش لون لا كبّرت .. كعبة ربك أتصلي لها !

حنّا نحج ونعتمر ونزيد فعل الخير خير=وابشرك مكّه ترانا كل يوم نجي لها!!
مير أنت في نجد ونعرفك دوم عنها ماتسير=ياحليلكم ياربعنا ودياركم ياحليلها!!

المشاركة الأصلية كتبت بواسطة كبتن عتيبه (المشاركة 777701) الله الله مير أنت في نجد ونعرفك دوم عنها ماتسير=ياحليلكم ياربعنا ودياركم ياحليلها!!

يمكن تروح لمكة لكن نيتك ياخوك غير = أتشيل خلق الله على الباصات وتودي لها
أديارنا ماتقبل إلا من سمو ومن أمير = وأنت الحجاز محجزّك بين الهضاب وسيلها !!

اليا نصونا ربعنا انعدّيهم الريع الخطير=أمّا نشيل ربوعنا والاّ الجبال نشيلها!!
وديارنا ديار الرسول ومطلع البدر المنير=والكلمه اللّي مرّتك مامرَّني تحليلها!!

الذيب فوق الريع ماوالله يعدّيه البعير = لاجات زمل القوم ماوالله يبى يعدي لها !
أنته جمل لكن مانسمع رغى ولاّ هدير = وازهبت لك حمله واظن أزريت في تحميلها ..

المشاركة الأصلية كتبت بواسطة قادح شرار (المشاركة 777708) ههههههههههههههههه. :) الله يهديـــه ما غير قاعد في ذغيبجه .... وراه ما يجي مكه ... :) متابعكم يا شعارنا ...

نبى نركب للجمل جنحان بلكنّه يطير=يومي جناحينه ويلقى له عرب تومي لها!!
عزالله انّك لك معزه يالسماري فالضمير=لكن خل اللي سرت فالدرب يسري ليلها!!

أنت متأثر في (جحا) ..هذي تراها ماتصير = كلمتك هذا ياطويل العمر شف تبديلها
اللي تدرهم فالخلا ماظنتي تلقى منير = والواردات أفطن لها والصادرات أكوي لها !!