سلام الله سلامٍ فيه شف البال والمقصود =وشف البال والمقصود لزّمة كبتن عتيبه
انا ماني بضاحك من تعاسة حضه المقرود =اخاف الله ليامني ضحكت ابهم بلانيبه

هلا يامرحبا والنار تشتب والنقاء مردود=ليا منّك لزمت الجمر الأحمر وش تسويبه!!
ترى مافالمواقف ضحك.. وفعول الرجال شهود=قبل تضحك.. تهرَّج والكلام اللي معك جيبيه!!

لك سنينٍ طويله وانت لاطارد ولا مطرود =ولاعمرك رعيت شعيل يم النير وشعيبه
متى ياربعنا نسمع هدير الحاشي المفرود =ودامه باقيٍ مفرود قولوا وش نسويبه؟

تكفَّينا الجبال اللّي تعانقه هبوب النود=وخلّ النير لاهل النير تسرحبه وتضويبه!!
والا ياللّي تحرّا السيل ورعود الخيال رعود=أقُلك لا تباطى السيل ما من طولة الغيبه!!

يقولون العرب مادام غير الواحد المعبود =ولابد الليال السود راس القوم تقفيبه
اخاف السيل لاسيّل يعود مايجيله فود =ويصبح سالفه من عقب ماكنا نماريبه

يابن غنام بالله لاتروَّعك الليال السود=حليل اللّي ليا ظلّم عليه الليل يسريبه!!
ترى ماهي عقيم الحُرمه اللّي جالها مولولد=عقيم اللّي ظناها ماذكر ورويسها شيبه!!

مبدعين وصحة السنتكم
متابعين