الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   جديد .. حـبـيـب الـعـازمـي ×× تـركـي 2000 [[ خمسين مولود خشرة في رضاعة ]] (http://www.otaibah.net/m/showthread.php?t=82151)

وافي الخماش 24-Nov-2008 12:26 AM
جديد .. حـبـيـب الـعـازمـي ×× تـركـي 2000 [[ خمسين مولود خشرة في رضاعة ]]
 


سلام عليكم ..

كيفكم عساكم بخير ..

:)


نعود بالجديد والحصري المحاورة حصرية على قناة المرقاب فقط ..

طاروق حبيب العازمي و تركي 2000






ياتركي اخذ الحذر دقت الساعة = مع فتحة الباب صدفة وميعادي
قدام لا تعلن السمع والطاعة = ارق الجبل وانتبه واهجر الوادي



صاحبك يشرب من العد بذراعه = وليا مشى الدرب ماهو بمتحادي
الضلع ما يتعب الرجل مطلاعه = مار البلا في ايسر الضلع من غادي



كم غبةٍ في البحر مالها قاعة = ما تنكشف والبحر راكد وهادي
يا اهل الطمع جاكم اليوم طماعة = والسبع في الريع يصيح وينادي



كم زورقٍ حولها يومي شراعه = ومن شاله الموج ماعنه نشادي
اليا حصل ريف قلبي ومرباعه =هذا منايا ونجواي ومرادي



لولا الهوامير ما تمت الباعة = احيا وتحيّن بالعز يا بلادي
يا شاعر مطير حط لك سماعة = بين التلفزون والنت والرادي



يا تاجر السوق وش عندك بضاعة = اتعبتني معك سردادي مردادي
قلبي حجر ما تجي حوله الراعة = واتابع البث من عبر الارصادي



عندي ذهب صافي اللون بأنواعه = ماهو بمقهى وشيشة وبرادي
خمسين مولود خشرة في رضاعة = ويلفهم كلهم ثوب ولادي



ترا الذهب في البلد كثرت انواعه = والوضع مشبوه لا تحسبه عادي
وجه الحيا شين لو نكشف قناعه = الله يستر على حال الاجوادي

اتمنى ان تنال على إعجابكم وان اكون وفقت في كتابتها ..

نايف الغبيوي 24-Nov-2008 01:03 AM
يعطيك العافيه على هالمحااااوره ولا تحرمنا من كل جدييييييييد وماتقصر يا وافي الخماااش ويعطيك العافيه على الشيله الي بتوقيعك

سـامــي النفيعي 24-Nov-2008 01:34 AM
محاورة جميلــة ... وتسلم على الطرح ......

السامي الجعيد 24-Nov-2008 02:51 AM
تــســـلـــم يــمـــيـــنــك وتــمـــيـــز واضــــح

يــاوافـــي واســم عــلـــى مــســمـــــــــى

بــيـــض الــلــه وجــهــك ومــشــكـــــــــور


خمسين مولود خشرة في رضـــاعــــة

ويــلــفـــهــــــم كلـهـم ثــوب ولادي


خـــطـــيــر الـــزعــيـــم ابــو فــيــصـــل والــــلـــــه خــــطــــيــــر صــــح الـــســــانــــه يــــــــــــــــــــارب

راع العبيه 24-Nov-2008 03:09 AM
ياو افي والله انك على اسمك وافي دايم تجيب الطيب والحبيب الله يعطيك الف الف عافيه

عبدالرحمن الهيلوم 24-Nov-2008 04:32 AM
ياو افي والله انك على اسمك وافي
دايم تجيب الطيب
وصح السان الكنق

شاعرخطير 24-Nov-2008 09:31 PM
لاهنت يا الخمااااش على النقل

فارس القوم 24-Nov-2008 11:03 PM
خمسين مولود خشره فرضاعه
ههههههههههههههههه
لاهنت ياوافي وابو فيصل بحر

العنادي تو 27-Nov-2008 12:29 PM
مشكور ياوافي

وياليت اللي يقدر يجيبها

فديو ولاصوت

ابو شرف 27-Nov-2008 01:09 PM
ما قصرت يا سعد وبيض الله وجهك

خمسين مولود خشرة في رضاعة
ويلفهـم كلـهـم ثــوب ولادي

ابداع يا ابو فيصل والله يطول في عمرك

قادح شرار 27-Nov-2008 05:07 PM
متألق دائما ً بمواضيعك المميزة يالوافي ....


محاورة رائعة بين شعراء كبار ....


صحت ألسنتهم ....


ومشكوووووووور على نقلك الثمين ....

تقبل مروري ....

وافي الخماش 01-Dec-2008 05:08 PM
الله لا يهينكم جميع ع ـالمرور ..


والمحاورة بنزلها صوتية انشاء الله ..

أبو مصلح 511 01-Dec-2008 09:29 PM
محاوره أكثر من رائعه



يعطيك الف عافيه










وللك تحياتي

عبدالسلام النخيش 02-Dec-2008 08:31 PM
لاهنت وسلمت يمناك


الساعة الآن »09:40 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd