الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   الليل ياعتبان .. (http://www.otaibah.net/m/showthread.php?t=81934)

خالد المنصوري 20-Nov-2008 07:02 PM
الليل ياعتبان ..
 
السلام عليكم ورحمة الله وبركاته



اولا انا توني مشارك جديد في منتديات عتيبه ويعلم الله اني سعيد جدا بتوجدي معكم ويشرفني انضمامي لمنتدى هذه القبيله المشهورة وتفضلو




انا جيتكم ياكاسبين النواميس=عتيبه هل المعروف والطيب والجود
انا اشم يالعتبان ريح المحاميس=وهذي طبيعتكم عساكم على الزود ..



..


اخوكم: خالد المنصوري ..

عمير الثبيتي 20-Nov-2008 07:31 PM
عدد ما يهبن الرياح النسانيس = هلا مرحب ترحيب ماهو بمحدود
دلاال العرب لضيوفها اللي مجاليس= بعد جيتها ياضيف منته بمحسود

خالد المنصوري 20-Nov-2008 07:50 PM
يدوم البقى ياشاعرن له هواجيس=عتيبي من اعتيبه هل الخيل والذود
يقولون خير الله نزل فالتضاريس=وقالو حيا ذا العام مامنه منشود

عمير الثبيتي 20-Nov-2008 09:24 PM
ولا يا رضي مالك ومال المطاعيس = تلبس ثياباً بيض لا تلبس السود
وخيراً نزل ما يقربونه متاعيس = وخيره لداره ما يجئ كل مقرود

خالد المنصوري 21-Nov-2008 04:35 AM
لا بالله شكلك شايفن لك كوابيس= تحسب انك طارد واثرك اليوم مطرود
ترى البرد وصلك كثر امن البرانيس= وخيرن نزل يافلان ماهو بمجحود

عمير الثبيتي 22-Nov-2008 08:14 PM
اقتباس:
المشاركة الأصلية كتبت بواسطة خالد المنصوري (المشاركة 772868)
لا بالله شكلك شايفن لك كوابيس= تحسب انك طارد واثرك اليوم مطرود
ترى البرد وصلك كثر امن البرانيس= وخيرن نزل يافلان ماهو بمجحود




ويا قشر حظي مع رجالاً مفاليس = تشيل المقمع مار من دون بارود
تسدك ديارك جالبات المباليس = تجيها الخلايق دون ناقد ومنقود

خالد المنصوري 23-Nov-2008 04:46 AM
اذا جفت الاقلام وسط القراطيس=جرحتك وعقبه قلت من غير مقصود
دياري تشرف وانت مثل الدماميس=تدسس بوسط الرمل من غير مجهود

عمير الثبيتي 24-Nov-2008 11:10 PM
اقتباس:
المشاركة الأصلية كتبت بواسطة خالد المنصوري (المشاركة 774091)
اذا جفت الاقلام وسط القراطيس=جرحتك وعقبه قلت من غير مقصود
دياري تشرف وانت مثل الدماميس=تدسس بوسط الرمل من غير مجهود


ألا ليت ونك ناقلن للعبابيس = ليا عودت دنياك حاوي ومردود
تصبر على وخز الرماح الدبابيس= ولان ما صبرت القبر جاهز ومالحود

خالد المنصوري 26-Nov-2008 04:33 AM
اشوفك يابادي داخلن فالدواعيس=تحسب انك ياابن الناس فالشعر نمرود
والا ياولد ياللي تحب التغاريس=سعد لو يغني لازم ان معه مسعود

عمير الثبيتي 26-Nov-2008 10:14 AM
ويا خبط قلبك مثل خبط المهاريس = سوات البعير اللي به الحمل مشدود
علومك علومك كل بوها مماريس = وعينك تبا تدمع بعد وخزة العود

أخو جوزا 26-Nov-2008 09:34 PM
حياك الله يالمنصوري وصح لسانك ولسان بادي المراقيب . واصـــلوا

خالد المنصوري 27-Nov-2008 02:58 AM
صح ابدنك ياخوي اخو الجوزا ومتابعتك لنا شرف ولاهنت على مرورك الراقي والمميز ..

خالد المنصوري 27-Nov-2008 02:59 AM
اشوفك براسك يالعتيبي وساويس=وانا صايدن وانته بهاليوم مصيود
ولاتعرف الدله ياراعي التراميس=تنام الليالي وانت تشكي ومشدود

عمير الثبيتي 27-Nov-2008 09:19 PM
علومك علومك كل بوها تماليس= وش اللي بيو خذ منك ياقبر بالدود
ونا ما ذكرتك يا عيون الهداريس = ولا لك من الفطحه يقع عضم عجرود


الساعة الآن »04:56 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd