سلام يامعجب وانا في خاطري بعض العلوم=ليت السوالف ماتغرك يالعتيبي ليتها
جعلك بخير وعافيه يالله عسي حضك يقوم=والعنكبوته من قديم الوقت نعرف بيتها

يامرحبا ترحيبةٍ حسب العوايد والسلوم=فالحله اللي بالكرم والطيب عالي صيتها
من فضل ربي في نعيم وخير ياجعله يدوم=وبيوتنا بالعز مبنيه ولا خليتها

ياليت بعض الناس يامعجب تريح ومخدوم=عنيت نفسك ليت يارجال ماعنيتها
ياطير ياالي لك ثلاث سنين في جوك تحوم=ياليت ياطير السعد دنيا التعب خليتها

الناس يانايف من الايام معطى ومحروم=ياللي تخم السالفه من طولها واخطيتها
الطير ماله غير جوّه وانت خلّك فالحلوم=اشقيت نفسك الحلوم الضايعات اشقيتها

ياصبر قلبك كم يشيل من المشاكل والهموم=مار المواقيف الصعيبه خابرك ماجيتها
انته تطالع للقمر ولا تطالع للنجوم =ماكان عينك ىالعتيبي للسماء لديتها

ياما وقفنا فالمواقف للدفاع وللهجوم = وانته تجمّع في حطب نارك ولاشبيتها
مااطالع الا فالرجال اللي يسدون اللزوم = اللي يطيح اسمك من اسماها ليا سميتها

أنا أحسبنك فارس الفرسان وحصانك عزوم=ياصاحبي تبا تكحلها لكن أعميتها
إسمي يشرفني وأنا ماهمني هرج الرخوم=وأنته جروحك من غبون الوقت ما داويتها