عبد الله العون يالي تاصله قله=له احترام من ابن هلال واجلالي
راعي دلال تساهرلليله كله= يديرهن واحدٍ مهوب ملالي
الهيل ريحه يسابق صبة الدله=يطرد عمس من تناول منه فنجالي
في مجلس من تعلل فيه مامله=يلقى سوالف ارجال وشعر وامثالي
وكبش سمين يقلط له على حله=في حكرة تشبع الاول مع التالي
مع عود ازرق على جمر مساواً له=تاخذا اسبوعٍ وريحه معك مازالي
يشوق من يعشق الطالات فعل له=حر مجانيه ماكر نايف العالي
وله فزعة لانخيته تبرى العله= ماهومن اللي عساهم مالهم والي
عبادة المال لامذهب ولامله=تعيش وتموت عند القرش الانذالي
لاجاك احدهم الياكنه يزوله=تمثال اخرس بثوب وبشت وعقالي
لوصحت له صد عنك النذل من ذله= انك تبافزعته في بعض الاحوالي
يالله تجعل عددهم بيننا قله=والامن الارض تخفى هاك الاشكالي
وتبقي لنا كل طيب مثل عبدالله=نلوذ به لا ختلط حابل بنبّالي
الناس وان جاء عليها ميل وعضله=ماتذكر الاسلايل ماضي الافعالي
والطيب ماهوغريب عنه طبع له=الطيب عادة عريب الجد والخالي
واختامها ياكريم الوجه تمهل له=حيثه رفيع المقام وعندنا غالي

طالبك ياللي تعز العبد وتذله= ياذالجبروت ياحلال الاشكالي
يامن بعفوك تغفر الذنب وتحله=منزل تبارك على عبده والانفالي
تبقى لنا اللي شريف السلم سلم له=من دور جده وابوه سعود وهلالي
النادراللي جعل خفضة جناح له=في بر الاقراب مثل العم والخالي
وخالٍ يشوف البريره من بناخ له=تقفي اهمومه ويمسي سامح البالي
ولو يصرف الشعر كله في مديح له=تصبح اعذوق المدايح فيه ميالي
الطيب ملبوس والممدوح زاه له=ثوب يفصل على الممدوح تفصالي
بعض البنيخي ازمام المدح محتله=ماهوب يشهر بذم الناس ويخالي
وافي ولو شاف خله يستر الخله= والابعضهم يبيح السر ويلالي
معاد عندي مجامل ويش اجامله=لاارفع وضيع الرجال ولارخي العالي
من عادتي كل خارب طبع وجبله=لاقد مدحته ولاذميت رجالي
وبعض البنيخي اليا اخطا لو تبين له=خطيته قال انا اللي مالي امثالي
من ضعف عقله يزوله طرف ظله=لوكان ماله مع اهل العز منزالي
وش ارذل الناس يابن هلال حي له=الله على الارض لايبقي لهم تالي
والياغدى واحدٍ منتب وكيل له=قل سو ماتهتوي ياطيب الفالي
والفرق مابين ريح العود والجله= يعرف اليا منهن قربن من الصالي

المشاركة الأصلية كتبت بواسطة نشاط الزلامي (المشاركة 769792) صحت السنتكم يالثنين القصيده المرسله جزله ورد عليها شاعر عملاق ... تقبل مروري

المشاركة الأصلية كتبت بواسطة فهيد الرويس (المشاركة 771277) الله الله ياسلام عليك صح السانك يابوسعود وصح السان العلم ابونايف تقبل اطيب تحيه

المشاركة الأصلية كتبت بواسطة اسير الضلام (المشاركة 771936) صح لسانك ويعطيك العافيه

المشاركة الأصلية كتبت بواسطة معجب العتيبي (المشاركة 772028) صح لسانك وصح لسانه ابداع غير مستغرب

المشاركة الأصلية كتبت بواسطة أبو مناسيب (المشاركة 770503) الله الله قصيده جزله وتكفي انها مرسوله لعبدالله ابن عون جزاله غير مستغربه صح السانك يامحمد بن هلال ابدعت يامبدع وصح لسان شاعرنا العلم عبدالله ابن عون