تعال يافواز ابا دردش معك في منتداك=يالشاعر اللي كل ماغنيت ماجبت الجديد
قبل امس ناديت الك واحد من بني عمي وجاك=واليوم انا جيتك وابا علمك بالعلم المفيد

معجب ياراع الدردشه يم الوحل تدرج خطاك = وانته ليا ناديتني ماجيتك بعذر البليد
تدري يا معجب لو تلم اللي قدم واللي وراك .!! ؟ = ما يحترك متني لك الله موثق الساس الجويد

لاصار فكرك للحقيقه يالسعيدي ماهداك=ماني بمجبور اعتذر ياصاحبي علمٍ وكيد
الطير لامنه وقع فالمحبله والا الشباك=ماتركد الجنحان ياراع السوالف والقصيد

يالشاعر اللي تطلب الميسور والغالي فداك = الاوله سمن وعسل والثانية خضر الجريد
انته ليا تفتفت جاك العازمي بالاشتراك = واليا نتعك العازمي محلاك ياموتر جديد

معجب العتيبي





فواز السعيدي





معجب العتيبي






فواز السعيدي

عزالله اني ناصحك ياصاحبي وازحف وراك=لاعاد تقرب للجمر عش باقي ايامك سعيد
ياليل اضن العازمي في ماضي ايامه سراك=واللي يهذري مايهذري غير من ضغط الوريد