سلام ياهل البيوت العامره بالشحم=والخير في جنبها والشر قدامها
الشاعر الي على الرسلان جايه ضرم=يقرب من الدلة الي دارج انظامها

يامرحبا بالمسلم في بيوت الكرم=والطيبة يالعتيبي ترفع اعلامها
لولا فعول العرب ماكان خط القلم=والسلعة الطيبة من حظ من سامها

ابك البقى يالمرحب والعسل فيه سم=مخصوص للشلة الي تعبد اصنامها
ولا زمان البيارق والقنا والعلم=فيه النعامه ماتمش الارض باقدامها

ربعك عتيبة هل الامجاد واهل الشيم=مالك ومال البنوك اتحسب ارقامها
اللي بناها بنا واللي هدمها هدم=واهل اليمن طبعها مايشبة لشامها

ربعك عتابه تحراها تحط الوسم=ولا تحلم وتصدق عندك أحلامها
أنا ابن عمك ترفق لا تمص العجم=سوات ناسِِ نضرها دوم فاكمامها

كانك عتيبي تراك اليوم قاطع رحم=ولاتغش العرب وتدخل اخيامها
منت ابن عمي لكنك لاتطب الحرم=مالك ومال الحجيج ولبسة احرامها

أنته علامك تلوى في غصون السلم=الناس ماهيب تصنع لجلك الغامها..؟؟
الله وكيل العصيمي كان حضه ظلم=يبغى يخاشر عجوز ابليس في ايدامها..!!

الناس واجد بعضهم يحسبنة لغم=وياكثر ناس(ن)تصيح ويندح اعرامها
خاشرتها لين كفك راح كلة دسم=واليوم تشرة على اهل الدين واسلامها

المشاركة الأصلية كتبت بواسطة سلطان عايض العايضي (المشاركة 767807) الناس واجد بعضهم يحسبنة لغم=وياكثر ناس(ن)تصيح ويندح اعرامها خاشرتها لين كفك راح كلة دسم=واليوم تشرة على اهل الدين واسلامها

مالك ومال الاوادم وانت شاعر علم=من سربةٍ فاللقا ماتنكس اعلامها
أن كان خاشرتها وطيتها بالقدم=تكفير ذنبي وذنب الناس وأزلامها

المشاركة الأصلية كتبت بواسطة سلطان عايض العايضي (المشاركة 767813) سنافي الهيلا بيض الله وجهك وصح لسانك وتشرفت بالعب معك يالغالي