سلام الله سلامٍ مايليق الا على العتبان = هل الطالات واهل الطيب واهل العز والهيبة
بعدها ودنا في شاعرٍ مايخلف القيفان = يعرف العرف واهل العرف يالهيلا ويحريبه

الا يامرحبا بك ياهلا يا طرقي الرحمن=وضيف المعرفة كلٍ ليا شرّف يحيي به
تهرّج بالعلوم اللّي ترجّح كفّة الميزان=وتلقى لك رفيقٍ ينقل الك العلم ويجيبه

المشاركة الأصلية كتبت بواسطة عبدالمجيد العطاوي (المشاركة 764248) الا يامرحبا بك ياهلا يا طرقي الرحمن=وضيف المعرفة كلٍ ليا شرّف يحيي به تهرّج بالعلوم اللّي ترجّح كفّة الميزان=وتلقى لك رفيقٍ ينقل الك العلم ويجيبه

يدوم الك البقاء واخذ الخبر من شاعر السبعان = بيعطيك السوالف من بعد ماطوٌل الغيبـة
ترانا من هوازن كلبونا والعلوم سمان = وعسا ربي يديم الوصل بين سبيع واعتيبة

لعلّك من غيابك يالسبيعي كاسبٍ ربحان=وليلٍ جيتنا به ياطويل العمر يا طيبه
وهاذي يالسبيعي ما تبى شرحٍ ولا تبيان=لكنّ انتم نزحتوا يمّ ضلعٍ عاويٍ ذيبه