مابه سلام والاكلام الى بعد ماقض اللزوم=واعلم الجاهل بعلمن فيه مثله يجهلي
واكد لكم ياعتيبه الهيلا ترا الوضع محسوم=الغامدي ذبحه يهون بعيد عن ذبح الطلي

مابه سلام ولا كلام انته على قلبك هموم=اطلب من الله يالعتيبي جعل همك ينجلي
انته معك هقوة ياذا الشايب وفي راسك علوم=ماقدمك الابارع الحد الصقيل الفيصلي

الشكر لله والثناله ما نحسب للرخوم=في قمت المجد اعتلينا يوم غامد تنزلي
انا مشيت مع الدير ما شفت لك فيها رسوم=في حاضر الايام والا فالزمان الاولي

نفسك دنية تاخذ السفلا ولا عنها تشوم=غامد نعم بالغصب والحاقد فواده يصطلي
يشهد لنا التاريخ ياللي ماتعرفون السلوم= قد قص خشمك في المواقف سيف ابو طالب علي

اليا زعلت اضرب براسك في حصى ضلع البقوم=ونعم ماتحسب غير للي فاللزوم يكملي
انته تحلم بس والله ماتحقق لك حلوم=وبعد كشفنا واقعك قلبك بدا يغلي غلي

ونعم ما نبغيها من اللي طايح ٍ وسط الهدوم=يالشايب اللي كل ليلة وانت فاضي ممتلي
حنا خذينا الاولات وغصب عن كل الخشوم=يالجمة اللي تصطفق فيها الغوارب والدلي

يوم انها بالهوش فالماضي وتنفيذ الكموم=امهمتك شيل القرب تمشي ظهرك محملي
حنا نحمى ميقافنا في برد والا في سموم=والا انت بفعولك تذكرني هذيك ام الحلي

يالشايب العايب تبارز وانت في سيفك ثلوم=مضيع ٍ مذهبك بين الشافعي والحنبلي
ارتاح والله ما نحسبك من قويين العزوم=انته سوات البرحة اللي من ورى الحزم الخلي

منت ابكفو لمبارزي حرام فيك اطلق سهوم=انته كثير بحقك اليا جيت يطلونك طلي
مهما يدور الوقت يبقى البوم حتى يموت بوم=ترا مكانك ما تغير تحت ماطى صندلي

انته من الجهال وانا عن مقابلك محشوم=الشعر في اشكالك وفيك الله يعينه مبتلي
الطيب والناموس والعلم الجزل فيك معدوم= الله يكرمني عن اشكالك ويكرم منزلي