الله ليامنه دمر له قبيله*شتت مشاورها وحير دليلها .....عز الله انه صادق..لاتفوتكم
 

قصيده للشاعر/عبيد بن ناجم بن ثعلي رحمه الله

في احدى المعارك اللتي جرت بين الروقه من جهه ومطير وسليم من جهه...

في اعلى الحره(راس القرى)........




[poet font="Simplified Arabic,5,red,normal,normal" bkcolor="transparent"
bkimage="" border="none,4,gray" type=1 line=200% align=center use=ex length=0 char="" num="0,black" filter=""]
البارحه عيت عن النوم عيني=كن الملائل في عيوني مليلها
اقول يالعين الشقيه علامها= علامها وش اللي اظهر حفيلها
قالت بلايه مزنة ترعد الضحى=الشري ماها والصواعق نزيلها
هلت على راس القرى ثم غربت=يقوله اللي واقفا يستخيلها
لزمت جوانبها يمنها وشامها=على العد من ضرعا وعلى مسيلها
مطرها الدجى والسم والطارق الخفي=وسو المنايا ينطلق من عزيلها
هلت عليهم بسعد الذابح وخيلت=والمسعد اللي ماتسمع عويلها
وهبت لها الازيب شويه وهونت=وهبت لها النكبا وقامت تشيلها
هاثم هبت له هبوبا جديده=اختف تاليها ورسى ثقيلها
بالاد روق اللي كما سارح الدبا=عاداتهم فالقوم تروي صقيلها
ليا ناحرت نار المعادي لنارهم=كم سربتن مايبقي الا قليلها
يجيلها الجذعان من كل نيه=مثل الكرامه يوم كلا يجيلها
جاهم زلاميا على اسمه زلامي=يكوي سخيف الكبد ويكوي جليلها
يراكد الكيه عليهم ويرتكي=وليا كواله كية يرتكيلها
ليا عطا دهم الفرنجي عيارها=تسمع وراهم فالضرايب عويلها
وجاهم عقابا طايرا من مواكره=بعد دعي للصيده اللي دعيلها
اشتالها على ثناديه وانحرف=حط الرحيمي والظباطي عديلها
كم واحدا يبي يكسب حليلته=روح ولاوكل عليها وكيلها
وظلت تجر الصوت من عقب كونهم=تبكي من الوجنا وفرقا خليلها
تقول يالاجواد هم وين خليو=تبا تدور فالمعاره حليلها
وسليم بارقهم مع الصبح سارح=كما الهرمه اللي عيبها في شليلها
لولا العضاله يوم جاهم بفزعته=جرى عليهم قالتن ماحكيلها
والله ليا منه دمر له قبيله=شتت مشاورها وحير دليلها

[/poet]

طلال الثعلي

بيض الله وجهك على هذا النقل

قصيده رائعة 0

نتمنى تزويدنا بمعلومات عن وقائع العتبان في الحجاز التى تعرفها 0


ولك التحيه

ياسلام عليك...

قصيدة ولا أروع...

وقعة تاريخية خلدتها هالقصيدة...


تحيااااااااتي.

بيض الله وجهك على هذا النقل الرائع

حسان

شكرا لمرورك الكريم...

تحياتي....

والله ليـا منـه دمـر لـه قبيـلـه *** شتـت مشاورهـا وحيـر دليلها

الله الله ... :)

بيض الله وجهك ياطلال

تسلم ياطلو على هالنقل الجيد
قصيده تسطر امجاد عتيبه

تسلم يمناك


اخوك شيباني نت

وصل العطياني


شكر لمرورك....

تحياتي

طلال ثعلي

قصيده من أجمل قصايد جيلها

تبقى رمزآ من رموز التاريخ الخالده

لك اجمل تحيه من
خالد العصيمي

ابراهيم العتيبي


شكرا لمرورك.....

تحياتي

اخوي طلال


بيض الله وجهك..

قصيدة ررررررروعه.

وليست بغريبة عليكم.


تحياتي

صح لسانك
 

أن دل على شي فهذا يدل على معدنك الاصيل وهتمامك بسوالف الرجال وهذا لايس بغريب فالرجال يهمتون بسوالف الرجال على العموم الله يعطيك العافيه وننتظر منك المزيد

الوليد الاسعدي


شكرا لك على المرور...


تحياتي..