لغز شعري
 

يامن يعبر ويش جملة رياجيل ******** تجمعوا في بطن بنتاً جميلة
تبا الصراحة كلبوهم حلاحيل********* قسمين كلاً ينحدر من قبيلة

ما فيه ولا رمعة الضاهر ان المشكلة في اللغز (ماهو على قد المقام)

لالالالالالا
 

لاتستعجل الجماعه ثقلين شوي

الصبر عليهم
رايح يجيك طحطوح ويحل الغز على مهلك

عندي رمعه

مهيب الخيمه


وعمدانها

شكراً على المرور الكريم
 

مالك لوا يا أخ وثاب

هلا بك والله يا شجاع الحجازي
ياحبنيلك والله انت ولغازك الي
تفتح النفس لرمع من غير قصور في الموجودين
انا عندي رمعه وش رايك في قبيلتكم يااا عتيبه
فيها ولدين(( برقا & روق))
ياطيب رمعتي ياشجاع لاتخيب املي في الرمعه

اخوك (ولد يلنتي)

منتدى الهيلا

شكراً يا مضيع بلنتي الله يعطيك العافية على مرورك ومشاركتك بس أعد تنفيذ ضربة الجزاء مره ثانية وإذا ضاعت نبي نطلع الحارس على شأن عيونك .

الأخ فارس شكراً على مرورك حاول مره أخرى

وش رائكم
 

1- اوضح
2- أحله
3- اتركة كما هو
4- اقترحو انتم

ان كان ماهي بالكف والاصابع
حله النا ههههههههه

الوجيه

حياك الله يالوجيه
 

مالك لواء الكف والاصابع

هذا بيت إضافي للتوضيح
 

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
يامن يعبر ويش جملة رياجيل"="تجمعوا في بطن بنتاً جميلة
تبا الصراحة كلبوهم حلاحيل"="قسمين كلاً ينحد من قبيله

شف موترك قدام لا يمسي الليل"="وأن ماعرفت الحل دور دليله
[/poet]

اخوي شجاع
السلام عليكم
عندي رمعه مهيب البساتم وسط المكينه او اسلاك البواجي

وتقبل تحياتي

البساتم مالك لواء يالشهم وتراك قربت لا تروح بعيد عن السيارة ولا تدخل جوا يعني تحمطر على السيارة لين تلقى الموضوع كل السالفة لفتين ثلاث هروله على السيارة

ماهي البواجي !!
نبا نجيب لك السيارة كلها ههههههه

البواجي يالوجيه مالك لواء

اخوي شجاع
السلام عليكم
عندي رمعه مهيب العجلات (الكفرات) او البيبان
وتقبل تحياتي

البواجي غير صحيح قلنا لف على السيارة ودور رياجيل متجمعين في بطن بنت
يالله بسرعة هرولة تراك بتلقاهم في جهة ويطلعون لك في جهه أخرى

القير وتعشيقاااته الست بعضها فوق وبعضها تحت


محاوله

(العجلات) (البيبان) (القير)
مالكم لوا جميعاً

اخوي شجاااع ماهي بالمسامير حقت الكفره والصواميل وكلهم مجتمعين في بطن الكفره والجنط سوى
تكفى قل تم

صويب الرمش تفكيرك سليم جداً ولاكن
هل الكفرة جميله؟
هل الصواميل والمسامير كلهم رياجيل؟
هل المسامير من قبيله والصواميل من قبيله ولا كلهم حديد؟
بعد هذه الاسله بقول مالك لوا والله اني وضحت واجد عجلوا ولا فليت الشريط

والله البلشه ياشجااااع
 

اخوي شجاع هالمره الرمعه اكيد صح
اذا ماخاب ظني انها لوحة السياره والحروف والارقام
طلبتك قل تم

تم تم تم
 

صح السانك وبيض الله وجهك بالفعل هي لوحة السيارة والارقام والحروف
بس تكفى علم الشهم تراه يلف على السيارة له أسبوع الرجال تعب قله كما كنت

لاتم علييك شر
 

اخوي الشجاااااع , صح بدنك
وجهك ابيض ووجه كل من يقراء اللغز وابشرك لفيت الموتر لين انقلب مخي
وماقصرت صحيح لغز مليان,,,,((( ياطيب راسك))) خليت الريجيل يلفون لين يدوخون

شكراً لمن حل ولمن رمع ولمن قراء

الاخ شجاع ماتكون القبايل
والقسمين .عدنان وقحطان
وسلامتك

انحل اللغز يالبسام وانا اخوك راجع الردود