مستور تحت العصا وطا يده = ويقول تسلم يدي يدي
والناس مثله وقبله وبعده = الصعب تلزم يدي يدي

مستور سيدك منت بسيده = تدري وتعلم يدي يدي
بين الرياجيل يعرف مقعده = ماهو بطارف يدي يدي

السيد الي حكمنا في بلده = يارجل تفهم يدي يدي
يموت يوسف وتبلش في ولده = والبادي اظلم يدي يدي

الرجل ما يختلف عن موعده = ياكم وياكم يدي يدي
العازمي لو نطرّه لجهده = لقمة على الفم يدي يدي

انا ترى ما وقعت بمصيده = يافيل الاشرم يدي يدي
العازمي لو بغيت تعقده = عسل على سم يدي يدي

تقول لك علم منت موكدة = ياصم ياأبكم يدي يدي
مستور صاحبك ليش تهدده = قول الهِ ياعم يدي يدي

كم نايمٍ ماصحى من مرقدة = حتى يخمخم يدي يدي
والله ونعم الرجل ما نجحده = والعلم ما تم يدي يدي

كم واحدٍ ماتمدرك مقصده = تراك تحلم يدي يدي
ماحب كثر الكلام تردده = اشرب من الجم يدي يدي

كم ضاع مني لكني مافقده = لو كان خاتم يدي يدي
مطوع الحي يعرف مسجده = صلى وسلم يدي يدي

الي يربي النعام يولده = سلم وتسلم يدي يدي
رح للعضيلة وقله وانشده = يامجمع الهم يدي يدي

زبون بيض الطيور يعدده = واقول تكرم يدي يدي
الي يحدر الشعيب يسنده = مكة وزمزم يدي يدي

المشاركة الأصلية كتبت بواسطة عبدالله الجـــذع (المشاركة 754314) محاوره قمه ولحن وقاف هائلاااان وعمالقه الله يطول اعمارهم وافي لاهنت ياذيباااااااااااان بس فالرد الاول لـ العلم مستور الشطر الاخير من البيت الثاني ماتلاحظ شيء ؟ اتوقع انه خطأ؟ املائي محبك ,

المشاركة الأصلية كتبت بواسطة ابو براك (المشاركة 754316) مشكور على المحاوره وبيض الله وجهك وصح ألسنة الشااعرين العملاقين

المشاركة الأصلية كتبت بواسطة ابو شرف (المشاركة 754321) لاهنت يا سعد على المحاوره وبيض الله وجهك والله لايهينك ومافي شك من ابداع حبيب ومستور اخوك:محمد الثبيتي

المشاركة الأصلية كتبت بواسطة أبو مرحبا (المشاركة 754625) محاورة جمعت شاعرين عملاقيين وافي الخماش لاهنت على النقل

المشاركة الأصلية كتبت بواسطة روح جاي (المشاركة 754848) يعطيك العافيه على المحاوره لعمالقه الشعر

المشاركة الأصلية كتبت بواسطة برقاوي والرأس عالي (المشاركة 754879) الله على الطاروق الجميل والابداع المتواصل من الشاعرين العملاقين شكرا أخوي والله يعطيك العافية

المشاركة الأصلية كتبت بواسطة الباااسل (المشاركة 754915) العملاقين مستور وحبيب للقائهم طعم خاص يعطيك العافيه ياوااافي

المشاركة الأصلية كتبت بواسطة محمد العتيبي (المشاركة 754952) محاوره وافيه جابها رجال وافي .. يامال العافيه ياوافي .. تحيتي ...

المشاركة الأصلية كتبت بواسطة عبدالرحمن ابو ثنتين (المشاركة 754984) مشكور على المحاوره وبيض الله وجهك وصح ألسنة الشااعرين العملاقين

المشاركة الأصلية كتبت بواسطة العفريت (المشاركة 755570) شكرا يالغالي على المحاوره الرائعه الله لا يهينك

المشاركة الأصلية كتبت بواسطة معجب العتيبي (المشاركة 755661) الف شكر ممكن احد يجيبها لنا بالصوت والا صعب؟

المشاركة الأصلية كتبت بواسطة مدمن قلطة (المشاركة 755894) ابداااع وافي بيض الله وووووجهك

المشاركة الأصلية كتبت بواسطة الجوراسي (المشاركة 757586) راااااائع يابو فيصل ياملك المحاورة ومتزعم عصرها الذهبي نتمنى لك طولة العمر انت وأستاذ الجميع أبو تركي من إبداع إلى آخر وشكرا لأخينا ناقل هذه المحاورة