سلام والدنيا صواديف, والله يستر من صدفها=والناس معطى ومحرومي, سلام والدنيا صواديف
لو قادح يفك المظاريف, يمديه ياعتيبه عرفها=وعمر البنادم مايدومي, لو قادح يفك المظاريف

يا مرحبا وقت المواقيف . ما ينحسد منهو وقفها = في وقتها زرق السهومي . يا مرحبا وقت المواقيف
سحايبي صارت مراديف . تغرق من اللي يلتقـفها = ويسيل وادي كل يومي . سحايبي صارت مراديف

دام البقا يانازل الريف ارعيتك جنب علفها=لاتقنع ابدون النجومي دام البقا يانازل الريف
عديت في روس المشاريف منكوب منهو ماشرفها=اشفق على المزون الردومي عديت في روس المشاريف

يا صاحبي سوق السواليف . نـيـّتـك لا بد نعرفها = أظن من خلفك علومي . يا صاحبي سوق السواليف
لو يبتدي هب العواصيف . مافيه حاجة ألا جرفها = وتصير ياخوك معدومي . لو يبتدي هب العواصيف

ياماحلاها دلة الكيف تنزح عماس اللي ولفها=يازينها فوق الرجومي واللي معايه دلة الكيف
سمعت بذني علم ياكيف الخلق تنحر من شرفها=وش صار بالدنيا عمومي سمعتي بذني علم ياكيف

ياما حلا لعب المحاريف . من شاعر ٍ سجل هدفها = ماهي بغاية للرخومي . ياما حلا لعب المحاريف
أخاف سمعك >سمع ٍ اضعيف . شوفلك دختر يكتشفها = أذنك بها شر وهمومي . أخاف سمعك >سمع ٍ اضعيف