سلام والمسلم حقوق الدين واجبت(ن) علاه=(تحيّة الأسلام) واجب كل مسلم ردّها
سلطان (الأسطوره على ذمة عتيبه) في يداه=حطّ الأمانه والأمانه يالعلّه قدها

يامرحبابك يالمسلم عد نوٍ هل ماه = ترحيبةٍ واجب علينا للضيوف نعدها
ماجبت لك ياصاحبي علمٍ يشد الانتباه = اللي مثل هذي مااحسبك للرجال تمدها

المركز المدعوم لوّ مايضمن حقوق الرعاه=تبا تصير العملّه اللي صدق لأبو جدّها
ترى النوايا صافيّه واللي عطاه الله عطاه=لكن يا سلطان عينك فالليالي لدّها

كلٍ يبا يلقى حساباته فقر والا غناه = والاوله عند الجمال اللي تقوم بشدها
تقولها ياصاحبي واللي ورى قلبك وراه = مطية الشيطان بيّن وسمها في خدها

حنا عزايمنا تهدّ الضلع و إتذوّب حصاه=ماهمنا لو إختلط مزح العرب مع جدّها
واللّه ما أخبر الشكّ يلعبّك على كل إتجاه=يالداهيّه ماجاك غير الداهيّه (مرّ و دها)

اللي سواتك يحمد الله كل ماحصّل عشاه = ماهي بلحيّة عزم ... هات من العلوم وودها
والله مااخبر أن الجرادة عقبّت غير الدباه = خفف من السرعه وروحك ياصحيبي هدها

اللي سواتك له علانا حق نعطيه الزكاه=نفسي عزيزه من فضل ربي ولازم حدّها
دام الجذع هذي علومه يالله تخيّب رجاه=مانلتفت للي ليا جاعت تعشت بدّها