سلام الله على ربعي عتيبه متعبين الخيل=رجالٍ لو يدور الوقت يبطي ما يفرقها
يقوم الشاعر اللي يفهم التوصيف والتحليل=ويقعد واحدٍ لا كبرت الدعوى يصلفقها

هلا يامرحبا بك ياالعتيبي ياقوي الحيل = من رجال ٍ نقول الله يوفقك ويوفقها
وصلتك مار هات العلم بالجمله وبالتفصيل= لكن خل الدعاوي هينه والناس رافقها

أنا أشوف البروق اللي تلوح ولا لقيت السيل=حسافه يامزونٍ هيّض البدوان بارقها
لو أنا نتبع الموضوع بالتفصيل والتمثيل=حمينا الناس وأعمينا الحراميّه لا تسرقها

يبي يطغى عليك السيل ياللي للبروق تخيل = علامك متعب ٍ نفسك على القسمه ومرهقها
ترى العربان كل ٍ دون حلقه والجمل للشيل = وكل الناس بحماية ولي العرش خالقها

يقولون الشواوي هددّ أهل الجيش وأهل الخيل=وأنا أقول البشر يا الله دخيلك من مطفـّقها
ليا رد البرى يا صاحبي والصبح عودّ ليل=ترى للناس روسٍ للمعالي دوم تسبقها

يقولون البشر للي زعل يشرب مياه النيل = ياراع الهقوه اللي دونها مانته بلاحقها
ليا رد البرا تلقا رجال ٍ مارضت بالميل = تسل سيوفها اللي روس بعض القوم تحلقها

ترى بعض الائمة ما يجيد الجهر بالترتيل=يا راع الكلمه اللي تحرجك قدام تنطقها
أنا بنشدك عن بنتٍ تكف الدمع بالمنديل=تبا النادر يفوز ابها تبا الخايب يطلقها

ترانا مانناظر بالنجوم الا الجدي وسهيل = ليا جت للعلوم اللي موثقة ٍ حقايقها
هذيك البنت عندي وانت ماتملك لها توكيل = انا اللي فزت فيها وانت يارجال فارقها

تبا ترجع سوات اللي غزا يم الحرم بالفيل=عقب ما غرته نفسه وجا بالفيل سايقها
مصيرك يقنعك وقتك وتلقا للخبر تبديل=وأنا ما أظن هاك البنت رزت لك بيارقها

غزيت الديره اللي يحتميها راع قال وقيل=ومكه نعرف اللي بث فيها الذعر واحرقها
يبي ياصلك ذاك العلم لينك تكثر التهليل= وتقفي عنك هاك البنت ودموعك تدفقها

أنا أشوفك تحلم مير حلمك يقبل التاويل=وتاويله ترى الشمطا تحضنتك يا عاشقها
أهلل وأذكر الله يوم غيري طبعه التطبيل=ليا منه بغا يحظى بحب البنت يفلقها

ترى الشمطا نصيبك ليه ثاير وانت رجل حليل= هذا الواقع تكذب كلمتي والا تصدقها
تهلل تذكر الله لكن تطفف بوزن الكيل = ياشين البنت شامت عنك وش علمك تلاحقها