الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   الســعيــدي ... وفـرحـة الـعيـد . (http://www.otaibah.net/m/showthread.php?t=79674)

قادح شرار 11-Oct-2008 07:53 PM
الســعيــدي ... وفـرحـة الـعيـد .
 
مرحبا بالقريب ... ومرحبا بالبعيد = والتراحيب أوزعها لكل الضيوف
يالسعيدي عسى فالوقت عيدك سعيد = فرحة العيد نظهرها من أجل الضعوف

فواز السعيدي 11-Oct-2008 08:05 PM
البقا يامرحب فالفضا بالقصيد = لو انا ما يهيضني يكود الصفوف
وانت هات البشارة جعل ثوبك جديد = قبل نتعب على وضع النقط والحروف

مرزوق حمدان العتيبي 11-Oct-2008 08:06 PM
..
.
يالسعيدي عسى فالوقت عيدك سعيد
فرحة العيد نظهرها من أجل الضعوف


..

الله الله ياقادح شرار
صح لسانك ....

وننتظر السعيدي وصح لسانه مقدما ً ....

مرزوق حمدان العتيبي 11-Oct-2008 08:07 PM
..
.

وانت هات البشارة جعلك ثوبك جديد
قبل نتعب على وضع النقط والحروف

الله الله صح لسانك يافواز ...
...

قادح شرار 11-Oct-2008 08:14 PM
أنت لافي علينا ودك إن تستفيد = مير أنا والله الليلة لذكي خروف
شوفتك يالسعيدي تعتبر يوم عيد = والتعب في سواتك يا رفيق مخلوف

فواز السعيدي 11-Oct-2008 08:14 PM
مرزوق ابن حمدان


صح بدنك


وسلمت ودمت

قادح شرار 11-Oct-2008 08:16 PM
اقتباس:
المشاركة الأصلية كتبت بواسطة مرزوق حمدان العتيبي (المشاركة 748410)
..
.
يالسعيدي عسى فالوقت عيدك سعيد
فرحة العيد نظهرها من أجل الضعوف


..

الله الله ياقادح شرار
صح لسانك ....

وننتظر السعيدي وصح لسانه مقدما ً ....
صح بدنك يا أبو منذر .

ونتطلع لوجودك المستمر اللي يضفي على الصفحات بريق .

مشكوووووور على مرورك.

عيد العازمي 11-Oct-2008 08:23 PM
قاح شرار ***** فواز

صحت ألسنتكم ياكبار


ومن العايدين ياغالين

فواز السعيدي 11-Oct-2008 08:25 PM
جاتني دعوة عتيبي وعلمي وكيد = مارفضت العزيمة بعد جات الظروف
الك مني هدية لا لزمت الهريد = الهريد اهون من الشاه مافيه صوف

قادح شرار 11-Oct-2008 08:26 PM
اقتباس:
المشاركة الأصلية كتبت بواسطة العازمي (المشاركة 748436)
قاح شرار ***** فواز

صحت ألسنتكم ياكبار


ومن العايدين ياغالين

هلا هلا هلا هلا هلا ..... إلخ .

أنت لحالك عيد . هذه غير مناسبة العيد . :d

وين الغيبة يا مسلم .

حياك الله ونوّرت المنتدى يالغالي .

وصح بدنك .

قادح شرار 11-Oct-2008 08:33 PM
مرحبا يالسعيدي ... مرحبا من جديد = حيث قومك رجال العز قوم السيوف
لا تداحم جبال ... ولا تعاند عنيد = أنسدح تحت ظل البيت ... سو امعروف

فواز السعيدي 11-Oct-2008 08:41 PM
ارسل اسمك علي وصورتك فالبريد = وارفع عمامتك حتى تبين الكتوف
بارك الله بطاستنا وقدر العصيد = كيف يلحقك جوع وليش تقعد تحوف؟؟

قادح شرار 11-Oct-2008 08:55 PM
أنت تلجأ علينا فالنهار الشديد = لا حصل وقت شدة ... ما نرد الهنوف
أدري إنك ضعيّف .. وأعتبرني رصيد = من جهتكم تراني شخص نفسي عيوف

فواز السعيدي 11-Oct-2008 09:12 PM
ليش يدخلك مني وسط قلبك ضهيد = والله اني نويت اعمل معاك امعروف
ابيض الشارب اللي ينحرف بالجريد = لايعرف الرياض ولا يدل الهفوف

قادح شرار 11-Oct-2008 09:24 PM
لا تظاهر بصحة .. جاتلك فالوريد = حملت شعيل عندك حوّلت للردوف
كل حداد ما يصعب علاه الحديد = أنت يا شاعر ٍ يبدع بصوت الكفوف

فواز السعيدي 11-Oct-2008 09:35 PM
المعاني خطيرة خل ساسك جويد = روح للعازمي يعطيك بعض الصنوف
انت يا صامل الزندين راسك عنيد = مار فيك الزعل والطربقة بالدفوف

قادح شرار 11-Oct-2008 09:54 PM
المعاني خطيره ... يا ولد لا تهيد = روح للقارحي يكشف عليك ويشوف
أنت يا راعي البندق ... ما تعرف تصيد = السوالف تعدي فوق راسك ...تطوف

ختامها من عندك طال عمرك .

فواز السعيدي 11-Oct-2008 10:05 PM
انصح الآدمي ويرد علمي جحيد = قلت عان الطريق وقال بكره خسوف
روح صاحب جواد وخاو عبد المجيد = قبل تنكب عتيبة ماتفيد الحسوف




هههههههههههههه



صح لسانك ياقادح شرار


تصبح على خير يالغالي

قادح شرار 11-Oct-2008 10:12 PM
هههههههههههههه . جواد وعبدالمجيد مرة وحدة . :)

الله يهديك بس .

تشرفنا بمجاراة شاعر فذ مثلك .

وإلى لقاءت أخرى إن شاء الله .

قادح شرار 11-Oct-2008 11:24 PM
قادح شرار :

مرحبا بالقريب ... ومرحبا بالبعيـد = والتراحيب أوزعها لكـل الضيـوف
يالسعيدي عسى فالوقت عيدك سعيد = فرحة العيد نظهرها من أجل الضعوف


فواز السعيدي :

البقـا يامرحـب فالفضـا بالقصيـد = لو انا ما يهيضني يكـود الصفـوف
وانت هات البشارة جعل ثوبك جديـد = قبل نتعب على وضع النقط والحروف


قادح شرار :

أنت لافي علينـا ودك إن تستفيـد = مير أنا والله الليلة لذكي خـروف
شوفتك يالسعيدي تعتبر يوم عيـد = والتعب في سواتك يا رفيق مخلوف


فواز السعيدي :

جاتني دعوة عتيبي وعلمـي وكيـد = مارفضت العزيمة بعد جات الظروف
الك مني هديـة لا لزمـت الهريـد = الهريد اهون من الشاه مافيه صـوف


قادح شرار :

مرحبا يالسعيدي ... مرحبا من جديـد = حيث قومك رجال العز قوم السيـوف
لا تداحم جبـال ... ولا تعانـد عنيـد = أنسدح تحت ظل البيت ... سو امعروف


فواز السعيدي :

ارسل اسمك علي وصورتك فالبريـد = وارفع عمامتك حتى تبيـن الكتـوف
بارك الله بطاستنـا وقـدر العصيـد = كيف يلحقك جوع وليش تقعد تحوف؟؟


قادح شرار :

أنت تلجـأ علينـا فالنهـار الشديـد = لا حصل وقت شدة ... ما نرد الهنوف
أدري إنك ضعيّف .. وأعتبرني رصيد = من جهتكم تراني شخص نفسي عيوف


فواز السعيدي :

ليش يدخلك مني وسط قلبك ضهيـد = والله اني نويت اعمل معاك امعروف
ابيض الشارب اللي ينحرف بالجريد = لايعرف الرياض ولا يدل الهفـوف


قادح شرار :

لا تظاهر بصحة .. جاتلك فالوريد = حملت شعيل عندك حوّلت للردوف
كل حداد ما يصعب عـلاه الحديـد = أنت يا شاعر ٍ يبدع بصوت الكفوف

فواز السعيدي :

المعاني خطيرة خل ساسـك جويـد = روح للعازمي يعطيك بعض الصنوف
انت يا صامل الزندين راسـك عنيـد = مار فيك الزعل والطربقة بالدفـوف

قادح شرار :

المعاني خطيره ... يـا ولـد لا تهيـد = روح للقارحي يكشف عليك ويشـوف
أنت يا راعي البندق ... ما تعرف تصيد = السوالف تعدي فوق راسك ...تطـوف


فواز السعيدي :

انصح الآدمي ويرد علمـي جحيـد = قلت عان الطريق وقال بكره خسوف
روح صاحب جواد وخاو عبد المجيد = قبل تنكب عتيبـة ماتفيـد الحسـوف


والله إنّا نفتقد معجب في بعض المواقف .

وأشكر جميع الأخوان اللي شرفونا .


الساعة الآن »10:43 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd