سلام الله سلام ٍ من ضميري قاله لساني= على عتيبة بصرح ٍ جعل ماتهدم مناراته
انا انشد عن الكبنن وعيضه والعضياني = وقم شهرين اريد العلم ماجتني بشاراته

ليا منه لفانا فالعرب رجّـال قحطاني = هلا يا مرحبا ترحيب ما تنعد مرّاته
بعد فترة ما تلقى غير قادح صار وحداني = على راس العمل يا خوك ما يترك مهماته

ونعم بمن ترحب به لكني نسل ويلاني = وجعلك للبقا ياشاعر ٍ ياطيب كلماته
ليــنــّــه مايقى غيرك تدورني ماتلقاني = قبل وقت الرحيل القلب يرسل لك تحياته

ونعم ٍ فالقبائل كلها >> القاصي مع الداني = يا شاعر كل ما يَــقدم يقل الوزن فأبياته
ترى بيت الغناه يدوم ..وأنته شخص فقراني = ليا روّحت أقول>> الخير فاته يا عرب فاته

طبيعة كل ماخاويت مبلي غير يبلاني= احاول مار مدري انا واقع بغلطاته
عطانا الله ومغنينا وعرفك وده لثاني = ولانصلي ورى رجل ٍ يضيع في صلاواته

المشاركة الأصلية كتبت بواسطة بحر جده (المشاركة 746496) رفيع المنزل صح لسانك الله يبيض وجهك قادح شرار كفو وتسد اللزوم واصلوااااااااااا الليل الليل متابع

المشاركة الأصلية كتبت بواسطة الحشيشي (المشاركة 746603) رفيع المنزل قادح شرار بيض الله وجيهكم ياشعار تقبلوا مروري 00 ليت واصلتوا

المشاركة الأصلية كتبت بواسطة كبتن عتيبه (المشاركة 746848) الله الله رفيع المنزل صح لسانك قادح شرار كفووووووووووووو

المشاركة الأصلية كتبت بواسطة محمد العتيبي (المشاركة 746851) ياسلام ياسلام رفيع المنزل , قادح شرار ابداع غير مستغرب من شعراء مبدعين .. تحيتي ...