احد الفصول

اسمع اذناب الخلاء قامت تدربك فالطسول=وجالها حس وضريس وكنها في خمخمه
تتبع الدرب الأليف ولاهي بحول الوصول=موالفه للمنحدر وجنه سواء في عمعمه
من مهفه في مطفه ومن عذول في عذول=والحياه الرايقه ماهي لها مترحمه
إعبدت درب المهونه لاتعيش ولاتزول =والصفات اللي رضتها كاصفات المسلمه
لعن ابوها ماتنام ولاتصوم ولاتقول =عابره درب عسير وصدقها تتوهمه
تحضن الموت الأليم وترمي افراح تجول=ولالها غير الدمار اللي رضت في مبسمه
دنيت فيها الشر راحت قطيع في فلول =ولاتساوي بالعمل وزنه بحق محرمه
والبشر عاشت سواء بين الملاهي والخمول =وغيرت وجهه نظرها للهلاك معلمه
ولاحياة(ن) للذي يمشي حدور(ن) في نزول =من تنكس عمره الباقي يكون مقدمه
عالم غاوي وتايه يوم زاد(ن) للخبول =والمنيه علمها بالغيب ربي يعلمه
ياموصله الرسايل يامفرقه النزول =اشهد ان الحق منكم للضياع معممه
والحقايق فالخطر قامت تعرض للذهول =والسلامه مكسب اللي الخطاء مايدعمه
والخفايا عندهم قتل الرجل بغدر(ن) تصول =فارس الغرات دايم الرجل مايزهمه
والغدر احد صفاته بالظهر دمه ميول =عادة اللي بالضعافه كل حق قسمه
والشجاعه للقروم اللي نحور للقبول =لراعي السيف الشطير اللي مقامه يحسمه
للرجال اللي علاها العلم يطرق للطبول =وتفتل حبال الغبن والحرب مرسى ودسمه
من لها مجد قديم وسار فالدنيا يطول =لين خلاء قدمه العدوان قدم مسممه
الشجاعه عد قوم(ن) مايجيه الاء الزحول=من مضاربها تخل الشين يترك مغنمه
عز قوم عن محارمها وضد للطبول=تنصف الجال في حاضر مواقيف علمه
والمروه للرجل تاج البطوله والفضول =عند ناس(ن) ماتقدر كود قرم بحزمه
والرجال اهل الوفاء من تعزز كل جول=ولاتعدى فوقها القالات باللي تردمه
ولاغريب بالحياه اللي تقوم ابها الذلول=والثقال إبها خفاف ولاتساوي همهمه
علام غير صفاته بالصفات اللي تقول=عندنا شرع جديد الظلم دايم ندعمه
اذوت النايم وعاثت بالزهاب وبالحمول =وضيعت بعض الشباب اللي حياته منعمه
والله اكبر ضد من عانق خراب بالدجول =من يحلل بدعه البهتان تمشي محرمه
وكل عام والعرب تنفد عبر احدى الفصول =والعمر عمر مكانه ونت متورمه
والصبر علم(ن) عملبه والامور إلنا تدول=والنهايه غايه الشيطان دايم مظلمه

الشاعر
فواز علي سريع الروقي

المشاركة الأصلية كتبت بواسطة عبدالله الجـــذع (المشاركة 746367) الله اكبـرـر ., بحير يافواز الله لايضرك امتعتنا بالشامخه صح لسآنك مدد محبك .,’

المشاركة الأصلية كتبت بواسطة مرزوق حمدان العتيبي (المشاركة 747138) .. . .. . الله الله .. . جزاله وصح لسانك ....

المشاركة الأصلية كتبت بواسطة سعد محمد الهيلوم (المشاركة 747147) صح لسانك اخي فواز على الابداع و سلمت يمناك تقبل تحياتي

المشاركة الأصلية كتبت بواسطة أبو نجر النفيعي (المشاركة 747199) .. الله الله يا فواز .. صح لسانك على هالجزله بحق .. وبيض الله وجهك ... و وآآآصل ابداعاتك .. ولا تحرمنا من جديدك .. :) أخوك

المشاركة الأصلية كتبت بواسطة مناحي الفرزه (المشاركة 747461) فواااااااااااااااااااااز درة من دررررررررررر الشعر النبطي

المشاركة الأصلية كتبت بواسطة شامان الاسعدي (المشاركة 747855) صح السانك يا فواز تقبل خالص تحياتي أخوك .....

المشاركة الأصلية كتبت بواسطة عبدالله الجـــذع (المشاركة 746367) الله اكبـرـر ., بحير يافواز الله لايضرك امتعتنا بالشامخه صح لسآنك مدد محبك .,’

المشاركة الأصلية كتبت بواسطة معجب العتيبي (المشاركة 748207) ماهي غريبه ابد ابد ابد ف فواز عودنا على الابداع فشكرا له وصح لسانه