سلام والشعله نحطبها حطب = يازينها والنار من شبابها
ثوب العواري مايدفي ياعرب = ابلشتو العالم بزين القابها

المشاركة الأصلية كتبت بواسطة الشطيطي’ (المشاركة 742769) سلام والشعله نحطبها حطب = يازينها والنار من شبابها ثوب العواري مايدفي ياعرب = ابلشتو العالم بزين القابها

سلام والشعله نحطبها الحطب = يازينها والنار من شبابها
ثوب العواري مايدفي ياعرب = ابلشتو العالم بزين القابها

يامرحبا والنار من تحت السحب=تطفي اللهيب اللي قبس مشهابها
اللي هروجه كلها نصب وكذب=مانلتفت فالكذبه ونصابها

دام البقا ياللي ماودك بالشبب = عله ولاني عارفٍ بأسبابها
حنا لقينا فالمراجع والكتب = حقايقٍ شرواك مايرضابها

المشاركة الأصلية كتبت بواسطة محمد الحمادي (المشاركة 742790) أي والله أبلشتوا العالم بزين ألقابها .. :) صح الإبدااع .. وصح إلسنتكم .. وبمتابعتكم .. إلى آخر قاف .. أخوكم ../

المشاركة الأصلية كتبت بواسطة عبدالله الجـــذع (المشاركة 742794) الله اكبر الله اكبر.. بدآيه مشوقه مبدعين ياعمالقتناا متابعين محبكم ,’

مابغا الشبب واليا نشدت عن السبب= ماودي اشوي رووسكم وارقابها
ياللي تجادل فالغنايم والكسب = ترى الغنايم منت من كسابها

اتقولها والوجه يغشاه الغضب = يا دلةٍ فاحة على مركابها
الكسب فالميدان ماهو بالنهب = لاكَن حشَم لحيتك واشنابها

الحجه اللي وجهها مثل الذنب =هذي تفشل كل منهو جابها
الكسب والله مع عريبين النسب = بسيوفها اللي قاضبين انصابها

العين ماتنفع ليا عمي الهدب = يا ابو عيونٍ مالقيت اهدابها
حنا نعرف اللي يعكفون الشنب = ماتلبس ثيابٍ ماهي بثيابها

بعض العرب في جلودها جاها جرب= وحنا مانتشمت على ماصابها
واليا بغيت اوصفك في حدود الادب = تراك مثل اللي ترز اذنابها

المشاركة الأصلية كتبت بواسطة محمد الروقي (المشاركة 742808) الحجه اللي وجهها مثل الذنب =هذي تفشل كل منهو جابها الكسب والله مع عريبين النسب = بسيوفها اللي قاضبين انصابها ,,

المشاركة الأصلية كتبت بواسطة الرشيدي (المشاركة 744809) سجلوا إعجابي بهذه المحاورة