سلام مني عد ماذعذع من الغربي هبوب = تحيةً من وافيٍ لاهل الوفا يبدابها
من بعدها ياهل المعرفه من حضر منكم ينوب= وأنتم رجال المعرفه والنار من شبابها

يا مرحبا ترحيبة تنشر على كل الدروب=تنشر على كل الدروب وتنثر ف عتابها
بعد حظرنا حدد الاهداف قدام الغروب=قبل تغيب الشمس ويغيب الهدف بغيابها

دام البقأ يافارس الميدان والوقت امحسوب=خل العلوم أسرار في صندوق لايدرابها
حنا بهاالدنيا سوى وصمت معنى للهروب = ليارضيت بحاجةٍٍ ماكان لك ترضابها

الصبر طيب والله المعبود غفار الذنوب=الناس تقرا في كتابك ونت اقر بكتابها
منته على مسك الحنش يا راعي العرف مغصوب=مالك ومال الديره اللي يلتويلك دابها

الصبر طيب والعيون السابره من كل صوب = لاشك بتعب فالحقيقه لو بحسب أحسابها
حنا شمال الدار والبراق يبرق فالجنوب = والديره الي جيت أنا فيها فراك أتهابها

اهل العيون السابره لو شاهدوا بعض العيوب=ما فكرو (ف) أشناب ناس يفتلون اشنابها
يهل الشمال الناس ما ينسون تكميل الوجوب=والحر لو زانت حيات الذل ما يحيا بها

أجل معك بمشي على ماقلت مالي وانشوب=قدام لا تبلابها وحنا بعد نبلابها
وسلم وسلملي يابو بندر على كل الشعوب=فاختام قيفان القريشي بعدماغنابها

بعد هداك الله وبطلت المعارك والحروب=وخذت شوري والنصيحه للعرب نسعابها
اسلم وسلملي على العقال بيضان القلوب=اللي ليا سمعوا دروس اهل الفكر تصحابها