حسين بن شتوي الحبابي=
ياسلامي عليكم عد وبل السحاب =من هجوس الحبابي يوم غنابها
صوتوا للعتيبي كلكم ياشباب = شاعر ومن قبيله يحسب حسابها
فلاح المورقي =
باسم ربعا لهم بالطيب باب وجواب =مرحبا والجزيله حظ من جابها
ماعلينا خلاف ولاحسبنا حساب =شب نارك ترى للنار شبابها
حسين بن شتوي الحبابي=
اقحطان (ن) خولك وارق فوق الهضاب =وفيه غلطات لازم نعرف اسبابها
احفظ الدرس ياللي تدرسون انتساب =والمدارس تورطنا بطلابها
فلاح المورقي =
انت خالي وخالي من رجال عراب =مير من دور البلاوت يبلابها
انت ياحسين وايش له ماحفظت الكتاب = والمدارس تري اللي مثلك اولا بها
حسين بن شتوي الحبابي=
ليش حاكم قطر سوا لابوه انقلاب = وليش الاصحاب تبغي تزعل اصحابها
انت يالمورقي بين الخطاء والصواب= لاتخلي خوالك تفقد اعصابها
فلاح المورقي =
لاجل نحمى الاشده نتحمي للحراب =والمسامه ترانا ما رضينابها
انت تبغي جنان الخلد والا العذاب =ماتضيع الحقوق ان وصل طلابها
حسين بن شتوي الحبابي=
بان نجم الجدي في الجو والبدر غاب =والاجاويد قامت تشعب اركابها
كما دعينا وياجعل الدعاء مستجاب = جعل عيني تهنا شوفه احبابها
فلاح المورقي =
مايغيب البدر لكن دونه ضباب =يوم بعض العرب مايحسب احسابها
والله اني لاموت ولا طردت السراب=غير ربي جميع الناس ماهابها
حسين بن شتوي الحبابي=
القضيه ماهي دعوى حضور وغياب = غير ياساتر الاجسام بثيابها
يا عتيبي تراني من رجال الحباب =خل عنك الدعاوي وايش تبغي بها

المشاركة الأصلية كتبت بواسطة عبدالرحمن الهيلوم (المشاركة 724347) شعار عمالقه من قبايل يشار اليها بالبنان اعتيبة الهيلا هل العوجا واقحطان اصل العرب وعيااال الشايب وصحت السنتهم والسااانك يالغالي

المشاركة الأصلية كتبت بواسطة متعب خالد العضياني (المشاركة 724956) مشكوووووووور على النقل

المشاركة الأصلية كتبت بواسطة سيف الجعدة (المشاركة 988053) صح لسان الشعار مبدعين

المشاركة الأصلية كتبت بواسطة & محمد خالد & (المشاركة 988244) لاهنت يالحبابي وصح الله السان العملاقين

المشاركة الأصلية كتبت بواسطة سرحان 511 (المشاركة 994052) . .. احفظ الدرس ياللي تدرسون انتسـاب***والـمـدارس تورطـنـا بطلابـهـا تحول اول البيت من المفرد الى الجمع وهذا يقلل من الصوره الجماليه للبيت والمحاوره بشكل عام جيده صحت السنتهم وشكرا لك على نقلك . ..