ياسلام الله على اهل المنتدىواللي يزوره=من هجوسن ماتغير لويطولن الليالي
الجذع نفسه ثقيله واخر الوقت مغروره=والغريبه يحسبنه مثل ابو زيد الهلالي

السعد هبت هبوبه والكرم فاحت قدروه = مرحبا ترحيب فوق الوصف وحدود الخيالي
فلمكم يااهل المحاني صوتٍ مدبلج وصورة = أن تركته ضاق غيري وان نظرته ضاق بالي

احسبك وافي وصافي واثر في كبدك حروره=واحسبنك راس مالي واثر ما انت براس مالي
يا الجذع سلطان اشوفك مثل حفار الجحوره=والهروج العوج حض اصحابها فا اول وتالي

قالوا أنك كل مايبدي القمر ويشع نوره = تومي بسبحتك بين الصف الاقصى والموالي
والحقيقة مع سباق الخيل سابقك معثوره = ماتقربك البعيد ولاتطلعك الجبالي

ماعليه خوف اعرف الشعر واسبح في بحوره=يوم بعض الناس ما يقدر مواقيف الرجالي
سابقي تطلع بيدها ماتفكر فا الخطوره=والحقيقه واضحه ياصاحبي والحظ عالي

ماهي بحول السنع مير أستروها ستر عوره = والله اني غير ملفي والعصيمي ماطرى لي
سابقٍ سولفت عنها ,,, فالميادين مخبوره = رجعتك عن الاوايل .وجمعت مع التوالي

انت اعرفك ما تسد النوب في وقت الضروره=والليالي كم سقتنا كاس مر وكاس حالي
الجذع سلطان والله مانبا نجرح شعوره=لو يكثر في كلامه حيلتي من دون حالي

لاغريب أن القبوري مايعرف الا القبوره = أن سكت سده قريّب وأن هرج ماله مجالي
بن ملحق لو يطول الليل ماطالت شبورة = راح مثل السبحة اللي من يميني فالشمالي