يابن حمدان قرب واستعدا لاتهيب من الطرق الطويلي=انت فالمنتدى شاعر وعاقل تعرف العلم ياشاعر عتيبه
كل واحد يناديك انت يامرزوق واليوم جيتك فوق خيلي=ودنا معك ناخذ ثم نعطي والهدف فالمطلات الرقيبه

يابن غازي ليا جيتك تجهز والعتيبي مايعرف مستحيلي = وين ودك نمشي هالوسيمه تبغي الهينه ولا الصعيبه ؟
الليالي لها بالكون ميله وانتبه من قساها ياعميلي = القريبه ترى ماهي بعيده والبعيده ترى ماهي قريبه

لاحتمى اللعب يامرزوق زاني صار فالملعبه حط(ن) وشيلي=هات طيبك يابن حمدان قدمي قبل اضوي على راسك مصيبه
الليالي ثلاث ايام بيض ومابقا سود يالوزن الثقيلي=فالمحاريب ماشفتك تصلي ليه وانته مضاريبك عطيبه

لاتفرعن مادم انك قبالي فوق راسك هماليل المخيلي = وان غلبتك تراها شي عادي غلبتي لك ترى ماهي غريبه
احمد الله مكفيني حلالي عن كثير الطمع طاب القليلي = حالت الناس يارجال حاله كم صحيب ٍ تنقد في صحيبه

والله اني سوات النير راسي ماتحرك ولاينهد حيلي=المطر لو يهل الوبل فوقه في ثواني يحدر في شعيبه
لو ماعرفك مرزوق العتيبي قلت يالربع ذا صقر البقيلي =منتدى مالين وسطه حلالك مير في خارجه مثل الذهيبه

والله انك كفو يابو مناسب تدعي مير ماشفنا حصيلي = ويش سويت في هاك الليالي عقب حولت من راس الزريبه
الامل فيك ياذيب الغداري لاتسوي مبات ولا مقيلي = لين تاصل مواصيل الذيابه كل رجل ٍ يبا ياخذ نصيبه

انتبه لاتحوطك المناسب وانشد المورقي ويضا الهذيلي=ابك في كل مرقاب امتعلي واحمدالله ماجيت المعيبه
وقتنا بالسياسه والركاده والحصان المسرج له صهيلي=تاتشوف الوسم فوق المطيه بالرضا ياولد ولا الغصيبه

مرزوق حمدان العتيبي مافيك حيلة=ولا يهون ابو مناسيب