الصقور صقور يعجب فعلها وقت الهدادي=ماتشابه للحنادي من يدورها وجدها
والذيابه تفترس والذيب عانه جاك عادي=لن نوت تفرسك جاتك ماتخفى في وعدها

الحضور حضور وأنته وين غائب يتحــــــادي = لا تسافر عن بلادك والعرب تسكن بلدها
من زل في راس ضلع ومن زل في وسط وادي = ماتخوف من سباع الأرض لو تمشي جهدها

من حضر ما غاب وأنته اطلب الله فا الرشادي=وأنامـوجـود (ا)بلادي والعرب ماكثر حسدها
الـعرب ماتسكـن الا فـا المـدن حـضر وبـوادي=وأكثر العالم يابو وافي ماندري وش قردها

من حضر ماغاب وأنته ياعسى فيك السدادي = أسكن بلادك وشمر عن يدينك ياولدها
أنت ياأحمد شب نارك لا تخليها رمادي = أكثر العالم عيونه ماتعالج من رمدها

ماعلي أخلاف دام أني على ظهر الشدادي=ماحتمي داري لكن التاليه تمشي وحدها
شبت النيـران وأنته مـن حـطـبها يا العنادي=وأكثر العالم على راسه مخيله مع بردها

ماعليك أخلاف لكن إنك تحلم بالهجادي = سامح الله من سلبها سامح الله من هجدها
ماتحقق لك مرادك قد تحقق لي مرادي = وأكثر العربان تتعب مار مانالت سعدها

أستمع للعلم يارجال ماشيتك (ا) متحادي=كل جابه جات منك أجيب الك جابه سددها
فـي ديـاراصـحـابـنا يا ناس يا كـثر الجرادي=من يحاول عدها يعجز ولايحصي عددها